भजनमैं 65:8 - परमेश्‍वरए ताँ तमु क्युइर

⁸ क्हिजी लबै थे-थेबै केमैं म्रोंसि ह्‍युल तिगोंर्बै म्हिमैं ङ्हिंम्। न्हाँग तमा ङेसा तमा क्हिजी म्हिमैं सैं तोंदै क्वेमैं प्रिंल् पिंम्।

भजनमैं 65:8 ပူးပေါင်းရင်းမြစ်များ

उत्पत्ति 8:22

“चु पृथ्बी मुरिब्दे, प्लु प्लुब नेरो रो खुबै त्हे, खुँब नेरो ख्वालब सर्ख नेरो बर्ख, त्हिंइ नेरो म्हुँइँस म्हरिब् आरे।”

भजनमैं 107:29

खीजी थेबै नाँ-खैं च्याँ लमिंइ; धै मा ङ्युँइर्बै भेलमैं या टियाइ।

भजनमैं 126:2

धै ङि बेल्‍ले सैं तोंसि निस्योदै क्वे प्रिंइ! छाब् म्रोंसि “याहवेहजी चमैंए ल्हागिर थेबै केमैं लमिंइमुँ।” बिसि अरू ह्रेंर्बै म्हिमैंइ बिइ।

भजनमैं 135:9

ओ मिश्र ह्‍युल, क्हिए ह्‍युलए म्हाँजोर्न फारो नेरो चए ताँन् के लब्मैंए उँइँर खीजी औदिबै चिनु नेरो प्लेटोयाबै केमैं लइ।

भजनमैं 136:8

त्हिंइए फिर क्ल्हे लबर खीजी त्हिंयाँ बनेइ। खीए म्हाँया खोंयोंन् बिलै तरिम्।

भजनमैं 148:3

ओ त्हिंयाँ नेरो लयाँ, खीलाइन थेब् लद्, ओ मुर्बै चारबै मुसारमैं, खीलाइन थेब् लद्!

भजनमैं 19:5

च त्हिंयाँ ब्ह्‍याए जग्‍यउँइँले पैरेसि त्होंइ खबै प्ह्रेंरो धों तब् मुँ, ट्होइ खबै म्हि सैं तोंब् धोंलेन् ह्रोंसए के लबर च सैं तोंम्।

भजनमैं 2:8

ङने बालु ह्रिद्, धै ङइ ताँन् ह्रेंमैंए फिर क्हिलाइ क्ल्हे लमिंब्मुँ, झाइले पृथ्‍बीर्बै ताँन् साँदर टिबै ह्रेंमैंए फिर क्हिलाइ क्ल्हे लमिंब्मुँ।

भजनमैं 65:13

खर्कमैं र-क्युमैंइ प्लिंइमुँ, धै ब्याँसिमैं रा-रोमैंइ प्लिंइमुँ। छतसि ताँन् क्ह्रिमा चमैंइ कै तेसि सैं तोंदै क्वे प्रिंम्।

भजनमैं 66:3

“क्हिजी लबै केमैं औदिले छ्याँब मुँ!” बिसि परमेश्‍वरने बिद्। “क्हिए शक्ति बेल्‍ले थेब् मुँ, छतसि क्हिए शत्तुरमैं ङ्हिंसि क्हिए उँइँर कुरम्।

भजनमैं 74:16

त्हिंइ क्हिलन् ग, म्हुँइँसै या क्हिलन् ग; त्हिंयाँ नेरो लयाँ क्हिजीन् बनेइ।

भजनमैं 89:10

क्हिजी सैवाबै म्हि धोंले राहाबलाइ त्हुल भुँ लवाइ; क्हिजी ह्रोंसए शत्तुरमैंलाइ ह्रोंसए भोंबै योजी सग्याँ प्हुँग्याँ लवाइ।

दर्शन 11:13

धै च तोंदोंन् थेबै सयो ह्‍याइ, सहरर्बै च्‍युबाँरि तिबाँ नास तयाइ, धै हजार ङि म्हिमैं सैवाइ। अरू चैबै म्‍हिमैं बेल्‍ले ङ्हिंसि “स्‍वर्गर्बै परमेश्‍वर बेल्‍ले थेब मुँन!” बिसि खीए मिं क्वेइ।