भजनमैं 65:5 - परमेश्‍वरए ताँ तमु क्युइर

⁵ ओ ङिलाइ जोगेमिंबै परमेश्‍वर, क्हिजी ठिक के लमा थेब्-थेबै केमैंउँइँले ङिलाइ ज्वाफ पिंम्। पृथ्‍बीर्बै ताँन् साँदर टिबै ह्रेंमैं नेरो ह्रें-ह्रेंगोर्बै मा ङ्युँइए रेजरेबै ताँन म्हिमैंइ क्हिए फिर्न आशा थेंरिम्।

भजनमैं 65:5 ပူးပေါင်းရင်းမြစ်များ

भजनमैं 107:23

को-कोइ झाजर क्रेसि स्युरइ; चमैं मा ङ्युँइए फिर छों लब्मैं मुँल।

भजनमैं 145:17

याहवेहजी लबै तोन्दोंरि केमैं ठिक मुँ, धै ह्रोंसइ बनेबै तोन्दोंरि सैमैंलाइ म्हाँया लम्।

भजनमैं 22:27

ह्‍युलर मुँबै ताँन् ह्रेंमैंइ क्हिलाइन मैंब्मुँ धै क्हि ङाँइँन तोखब्मुँ। ह्रें-ह्रेंर्बै म्हिमैं ताँनइ क्हिलाइन फ्योब्मुँ।

भजनमैं 36:9

तलेबिस्याँ क्हिउँइँलेन् म्हिमैंइ खोंयोंइ आखाँबै छ्ह योंमुँ, क्हि चारबै ह्‍वे ग, छतसि क्हिए छ्याँबै घ्याँर ङि प्रल् योंइमुँ।

भजनमैं 45:4

क्ह्रोंसेंन्बै ताँ पोंल् त्हुम्, करल् त्हुम् ठिक निसाफ लल् त्हुम् बिदै ह्रोंसए शक्तिर ट्होदै ह्‍याद्। क्हिए क्योलो योजी औदिबै केमैं लमुँ!

भजनमैं 66:3

“क्हिजी लबै केमैं औदिले छ्याँब मुँ!” बिसि परमेश्‍वरने बिद्। “क्हिए शक्ति बेल्‍ले थेब् मुँ, छतसि क्हिए शत्तुरमैं ङ्हिंसि क्हिए उँइँर कुरम्।

भजनमैं 84:5

क्हिउँइँले भों योंब्मैं, नेरो सियोन कोंर ह्‍याबै सैं लब्मैंइ आशिक योंम्।

भजनमैं 85:4

ओ ङिलाइ मुक्ति पिंबै परमेश्‍वर, ङिलाइ एपखमिंन्, धै ङिए फिर खबै क्हिए ह्रिस म्हमिंन्!

रोमी 2:5

दिलेया क्‍हिइ सैं सारो लसि परमेश्‍वर ङाँइ सैं एदा आङ्हाँ। छतसि परमेश्‍वरजी ठिक निसाफ लबै त्हिंइर क्‍हिइ अझै थेबै सजैं योंब्‍मुँ।

दर्शन 16:5

झाइले ताँन् ‍क्युए फिर हग मुँबै स्‍वर्गदूतइ छ बिब ङइ थेइ, “ओ पबित्र परमेश्‍वर, क्‍हि ओंसों ओनोंन् मुँल। तोगो या मुँ, क्‍हिइ क्ह्रोंसेंन्बै ठिक निसाफ लइमुँ!