भजनमैं 65:3 - परमेश्‍वरए ताँ तमु क्युइर

³ ङिइ छेरन् ङ्हाँबै केमैं लसि पापर प्ल्हुँरिम ङिए अपराधमैं क्हिजी क्षमा लमिंइ।

भजनमैं 65:3 ပူးပေါင်းရင်းမြစ်များ

भजनमैं 38:4

ङइ लबै आछ्याँबै केमैंइ ङ क्र समा हुवाइमुँ, छले ङइ लबै आछ्याँबै केमैं ल्हें तयाबइले ङ क्र ओलै आखाँन् तयाइमुँ;

भजनमैं 40:12

तलेबिस्याँ ङए फिर ल्हें दुःख तइमुँ; ङइ लबै आछ्याँबै केमैंइ लमा ङ क्र ओलै आखाँन् तयाइमुँ; क्रप्हो भन्दा ल्हें दु:खमैं ङए फिर तबइले ङइ मि या छेन्ले आम्रों; छतसि ङए सैं बेल्‍ले च्योंयाइमुँ।

भजनमैं 51:7

लुँडइ ङए सैं म्यामिंन् धै ङए सैं छ्याँब तब्मुँ; छले ख्रुमिंमा ङ चोखो तसि क्लिं भन्दा तार्ग्या तब्मुँ।

भजनमैं 79:9

ओ ङिलाइ मुक्ति पिंबै परमेश्‍वर, ङिइ क्हिए मिं थेब लरिगे बिसि ङिलाइ ल्होमिंन्। क्हिए मिं थेब लबै ल्हागिर ङिए पाप क्षमा लसि ङिलाइ जोगेमिंन्।

यूहन्‍ना 1:29

प्‍हँन्हाँग्धों यूहन्‍नाइ येशू खरिब् म्रोंसि बिइ, “ङ्‌ह्‍योत्ति! ह्‍युलर्बै पाप नोइ बोयाबै परमेश्‍वरए क्‍यु झज।

गलाती 5:17

तलेबिस्याँ म्‍हिमैंए सैंउँइँले खबै आछ्याँबै इच्‍छाइ पबित्र प्ल्हए बिरोध लम्, छलेन पबित्र प्ल्हए छ्याँबै इच्‍छाइ म्‍हिमैंए सैंउँइँले खबै आछ्याँबै इच्‍छाए बिरोध लम्। चुमैं ङ्हिं आक्‍ह्रि। छतमा क्‍हेमैंइ छ्याँबै केमैं लल् म्हैलेया लल् आखाँ।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।