भजनमैं 65:2 - परमेश्‍वरए ताँ तमु क्युइर

² ओ प्राथना थेमिंबै परमेश्‍वर, क्हिए प्हलेर्न ताँन् म्हिमैं खब्मुँ।

भजनमैं 65:2 ပူးပေါင်းရင်းမြစ်များ

भजनमैं 102:17

दु:ख योंब्मैंइ लबै प्राथना खीजी थेब्मुँ; धै चमैंए प्राथना थेलेया आथेब् धों आल।

भजनमैं 116:14

याहवेहए ताँन् म्हिमैंए उँइँर खीने लबै ङए भकलमैं ङ पूरा लब्मुँ।

भजनमैं 116:18

याहवेहए ताँन् म्हिमैंए उँइँर, खीए मन्दिरर्बै ह्‍युमैंर,

भजनमैं 22:27

ह्‍युलर मुँबै ताँन् ह्रेंमैंइ क्हिलाइन मैंब्मुँ धै क्हि ङाँइँन तोखब्मुँ। ह्रें-ह्रेंर्बै म्हिमैं ताँनइ क्हिलाइन फ्योब्मुँ।

भजनमैं 66:13

ङ क्हिए मन्दिरर मिर ख्रोंसि पिंबै ख्रोमैं किंसि खब्मुँ; धै क्हिने लबै भकल पूरा लब्मुँ।

भजनमैं 66:19

दिलेया परमेश्‍वरजी ङए ताँ खैलसे थेमिंइमुँ, खीजी ङए प्राथना छेनाले थेमिंइमुँ।

भजनमैं 66:4

पृथ्बीर मुँबै तोंन्दोरि सैमैंइ क्हिए प्हले फ्योम्, चमैंइ क्हिलाइन थेब् लदै क्वे प्रिंम्, चमैंइ क्हिए मिं थेब् लदै क्वे प्रिंम्।” तिस्याँदे मैंन्

भजनमैं 86:9

ओ प्रभु, क्हिजी बनेबै ताँन् ह्रें-ह्रेंमैं क्हिए उँइँर कुरब्मुँ, धै चमैंइ क्हिए मिं थेब् लब्मुँ।

यूहन्‍ना 12:32

झाइले ङलाइ कैंडो क्वेवामा ङइ ताँन् म्हिमैं ङ ङाँइन चैंब्मुँ।”

चेला चिब्मैंए केमैं 10:31

बिइ, ‘कर्नेलियस! परमेश्‍वरजी क्हिए प्राथना थेइमुँ, धै क्हिइ ङ्हाँदुमैंलाइ तो चैदिमु च पिंबै छ्याँबै केमैं या मैंइमुँ।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।