भजनमैं 65:11 - परमेश्‍वरए ताँ तमु क्युइर

¹¹ क्हिजी ठिक त्हेर ल्हें रा-रोमैं योंल् पिंम्। धै क्हिए भकारिमैं खोंयोंन् बिलै प्लिंरिम्।

भजनमैं 65:11 ပူးပေါင်းရင်းမြစ်များ

भजनमैं 103:4

खीजी क्हि कालउँइँले जोगेमिंम्; धै मुकुट कुब् धोंले खीए खोंयोंइ आनुबै म्हाँया नेरो क्हिए फिर खीजी ल्हयो खम्।

भजनमैं 104:13

ह्रोंसए नुबै कोठामैंउँइँले खीजी कोंजरे नाँ कुल्मिंम्; खीजी नाँ कुल्मिंबइले पृथ्बीर रा-रोमैंइ प्लिंमुँ।

भजनमैं 104:3

खीजी ह्रोंसए नुबै कोठार्बै दलिनमैं क्युमैंए फिर थेंम्; खीजी न्हाँमस्योमैं ह्रोंसए रथ बनेम्; खी खैंए प्ह्‍यामैंर प्ररिम्।

भजनमैं 25:10

खीजी फैबै बाछाए ताँमैं ङिंब्मैंलाइ याहवेहजी खोंयोंइ आनुबै म्हाँया लसि भर पर्दिल् खाँन्ले डोरेम्।

भजनमैं 36:8

क्हिजी पिंसिन् ङिइ म्रेंन्ले चल् योंइमुँ, स्यों धोंले खोंयोंन् बिलै युरिबै आशिकइ क्हिजी ङिलाइ प्लिंमिंइमुँ।

भजनमैं 5:12

तलेबिस्याँ ओ याहवेह, ठिक के लब्मैंलाइ क्हिजी आशिक पिंम्, ढालइ धोंले क्हिए म्हाँयाजी चमैं जोगेमिंब्मुँ।

भजनमैं 68:10

क्हिए म्हिमैं च क्‍ल्‍ह्‍योर टिइमुँ, धै खीजी ङ्हाँदुमैंलाइ छ्याँबै सैमैं पिंसि सैं तोंल् पिंइ।

हितोपदेश 14:18

बुद्धि आरेबै म्हि न्होह्रों तबै के मत्त्रे लम्, दिलेया ताँ क्होबै म्हिइ च्हैंब्-मैंबै लल् खाँम्।

रोमी 11:17

छलेन रोमैं रोबै सिं धुँए को-कोइ हाँगमैं चोवाब् धोंले कोइ यहूदीमैं या परमेश्‍वरउँइँले फ्रेयाइमुँ। धै क्‍हेमैं अरू ह्रेंर्बै म्‍हिमैं तबइले क्ह्‍योंर्बै सिं धुँए हाँग धोंन् तसि अरू छ्याँबै हाँगमैंए माँजोरि से घ्रिले गैंदिइमुँ। छतसि यहूदीमैंए जराउँइँले खुगु योंब् धोंले क्‍हेमैंइ तोगो भों नेरो आशिक योंइमुँ।