भजनमैं 64:9 - परमेश्‍वरए ताँ तमु क्युइर

⁹ छतब् म्रोंसि ताँन् ह्रेंर्बै म्हिमैं ङ्हिंब्मुँ, चमैंइ परमेश्‍वरजी लबै केए बयन लब्मुँ, धै खीजी लबै केमैं छेनाले क्होल् म्हैब्मुँ।

भजनमैं 64:9 ပူးပေါင်းရင်းမြစ်များ

भजनमैं 119:20

क्हिए ठिममैं क्होबर ङए खों खोंयोंन् बिलै क्यु पिब् धोंन् तम्।

भजनमैं 140:10

लुँरिबै मिए राब चमैंए फिर उँयारिगे! बेल्‍ले लुँरिबै मिर चमैं भ्योंवारिगे, धै रेलै आखाँन्ले चमैं हिल् मुँबै होल्दोंर तेयारिगे!

भजनमैं 40:3

खीजी खीए मिंलाइ थेब् लबै ल्हागिर छारा क्वे घ्रि ङए सुँर थेंमिंइ, छतसि ङ्योए परमेश्‍वरए मिं थेब् लबै क्वे ङइ प्रिंइ, छाब् म्रोंसि म्हिमैं हार म्हाँदिसि ङ्हिंब्मुँ, धै याहवेहए फिर्न चमैंइ भर थेंब्मुँ।

भजनमैं 53:5

ङ्हिंलन् आत्हुबै क्ल्ह्‍योरै या चमैं ङ्हिंसि त्हारब्मुँ, क्हेमैंए बिरोधर राब्मैंलाइ परमेश्‍वरजी चमैंए ह्रुबि या सग्याँ-प्हुग्याँ लवाब्मुँ। तलेबिस्याँ परमेश्‍वरजी चमैं आखो; छतसि क्हेमैंइन चमैंलाइ फापिल् लल् खाँम्।

भजनमैं 58:11

छाब् म्रोंसि “ठिक के लब्मैंइ क्ह्रोंसेंन इनाम योब् मुँन; धै पृथ्‍बीर ठिक निसाफ लब परमेश्‍वर मुँन,” बिसि म्हिमैंइ बिब्मुँ।

भजनमैं 59:13

क्हिए ह्रिसइ चमैं नास लवामिंन्, चमैं तोइ आचैल्‍ले नास लवामिंन्! छलेन परमेश्‍वरजी इस्राएलए फिर ग्याल्स लमिंम् बिब पृथ्‍बीर्बै ताँन् साँदर टिबै ह्रेंमैंइ सेरिगे। तिस्याँदे मैंन्

दर्शन 11:13

धै च तोंदोंन् थेबै सयो ह्‍याइ, सहरर्बै च्‍युबाँरि तिबाँ नास तयाइ, धै हजार ङि म्हिमैं सैवाइ। अरू चैबै म्‍हिमैं बेल्‍ले ङ्हिंसि “स्‍वर्गर्बै परमेश्‍वर बेल्‍ले थेब मुँन!” बिसि खीए मिं क्वेइ।