भजनमैं 64:5 - परमेश्‍वरए ताँ तमु क्युइर

⁵ आछ्याँबै केमैं लबर चमैंइ खें-खेंमैंए न्होंर घ्रिइ घ्रिलाइ भों पिंमुँ। खाबज्यै आसेल्‍ले ङो चुले बिसि चमैं क्ह्रिसि मत लमुँ। “ङ्योइ लबै चु के खाबइ म्रोंम्‌ रो?” बिसि चमैंइ बिम्।

भजनमैं 64:5 ပူးပေါင်းရင်းမြစ်များ

उत्पत्ति 20:13

परमेश्‍वरजी ङलाइ ङए आबाए धिं पिसि आगुए ह्‍युलर क्याइ-माइ स्युरइ प्रब लमिंइ। छतसि ङइ साराने ‘गार् आम्हाँदिल्‍ले क्हिइ म्हिमैंने बालु चु ङए आघें ग बिद् ओ’ बिसि ङइ बिल।”

भजनमैं 10:11

चमैंइ सैं न्होंर मैंइमुँ, “परमेश्‍वरजी खीए मोंडा ङउँइँले लोइमुँ, धै ङलाज्यै या म्‍लेवाइमुँ, छतसि ङइ लबै के या आम्रों।”

भजनमैं 124:7

नमे सैइ प्रबै म्हिइ चुबै ङोउँइँले नमे स्योरब् धोंले ङि स्योर खइमुँ; चमैंए जाल ट्होयाइ, धै ङि त्होंल् योंइ!

भजनमैं 140:5

थेब् प्हैंबै म्हिमैंइ ङए ल्हागिर ङो चुइमुँ, चमैंइ ह्रोंसए जालए छो च्योइमुँ, धै ङ प्रबै घ्याँर ङो चुइमुँ। तिस्याँदे मैंन्

भजनमैं 59:7

ङ्ह्‍योद्, चमैंए सुँउँइँले तो त्होंमुँ? चमैंए ले सेलाँ धों तब् मुँ; चमैंए सैंर “ङिइ छ बिब खाबज्यै आथेइमुँ!” ङ्हाँम्।

भजनमैं 94:7

“याहवेहजी आम्रों; याकूबए परमेश्‍वरजी वास्ता आल,” बिसि चमैंइ बिमुँ।

प्रस्थान 15:9

शत्तुरइ बिइ, ‘ङइ चमैं ल्हासि स्याब्मुँ, लुडिबै सैमैं ङ चुब्मुँ, च लुडिबै सैमैंउँइँले तो लदा ङ्हाँमुँ च ङ किंब्मुँ। ङइ ङए सेलाँ (तरवार) ट्‍हुइसि चमैं सैवाब्मुँ।’

मत्ती 23:15

“धिक्‍कार मुँ, शास्‍त्रिमैं नेरो फरिसीमैं क्‍हेमैं फिब्लो पार्दिब्मैं! म्हि घ्रि क्हेमैंए घ्याँर प्ररिगे बिसि क्‍हेमैं मा ङ्युँइ नेरो ह्‍युलजरे स्युरदै म्हि म्हैदै प्रम्, धै क्‍हेमैंए घ्याँर प्रबै लिउँइँ च म्हिलाइ ह्रोंसइ भन्दा ल्हें नर्गर्बै दण्ड योंल् लम्।

दर्शन 11:10

चु अगमबक्‍तामैं ङ्हिंइ पृथ्‍बीर्बै म्‍हिमैं ल्हें दुःख पिंल। छतसि चमैंए सिनु म्रोंसि पृथ्‍बीर्बै म्‍हिमैं बेल्‍ले सैं तोंब्‍मुँ, धै चमैंइ खें-खेंमैंए न्होंर चिनु पिंब-किंब लब्‍मुँ।