2 खी मत्त्रे ङ रक्षा लमिंबै पारा, नेरो ङए किल्ला ग, छतसि ङ ङ्हिंसि त्हाररिब् आरे।
याहवेह ङ लोबै पारा, ङए किल्ला नेरो ङ जोगेमिंबै ङए परमेश्वर ग। ङए परमेश्वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्योर खीजी थेंमिंइ।
ओ याहवेह, क्हिजी शक्ति पिंबइले म्रुँ सैं तोंइमुँ। धै क्हिजी ट्होगों लमिंबइले खी बेल्ले सैं तोंसि उफर्दिइमुँ।
याहवेह ङए चारबै ह्वे नेरो ङए मुक्ति ग! ङ खाब्ने ङ्हिंब? याहवेहन् ङए रक्षा लबै किल्ला ग। छतसि ङ खाब् म्रोंसि ङ्हिंब?
च थुरलैया क्हुररिब् आरे तलेबिस्याँ याहवेहजी ह्रोंसए योइन चए यो क्हासि क्हुरल् पिंरिब् आरे।
ठिक के लब्मैंलाइ याहवेहजी जोगेमिंम्; दुःख तबै त्हेर चमैंए लोबै क्ल्ह्यो खीन् ग।
ओ ङए भों, क्हिए बयन लदै ङ क्वे प्रिंब्मुँ, ओ परमेश्वर, क्हि ङए किल्ला, नेरो ङलाइ खोंयोंइ आनुबै म्हाँया लबै परमेश्वर ग।
ओ ङए भों, ङ क्हिलाइन ङ्ह्योब्मुँ, तलेबिस्याँ, ओ परमेश्वर क्हि ङए किल्ला ग।
खी मत्त्रे ङ रक्षा लमिंबै पारा नेरो ङए किल्ला ग; छतसि ङ ङ्हिंसि त्हाररिब् आरे।
चइ ङने छ बिसि बिन्ति लब्मुँ, ‘क्हि ङए आबा, ङए परमेश्वर ग, धै क्हिजी ङ जोगेमिंसि रक्षा लमिंम्।’
म्हिए फिर तखबै जाँच बाहेक अरू जाँच क्हेमैंए फिर आतइमुँ। दिलेया परमेश्वर भर लल् खाँब मुँ, खीजी फैबै बाछा पूरा लम्। छतसि क्हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।