भजनमैं 61:7 - परमेश्‍वरए ताँ तमु क्युइर

⁷ च परमेश्‍वरए ओंसों खोंयोंन् बिलै राजगद्दिर टिरिगे; क्हिजी खोंयोंइ आनुबै म्हाँया लबइले नेरो च क्हिए फिर भर लल् खाँबइले चए रक्षा लमिंन्!

भजनमैं 61:7 ပူးပေါင်းရင်းမြစ်များ

उत्पत्ति 24:27

“ङए क्ल्हे अब्राहामए याहवेह परमेश्‍वर बेल्‍ले थेब मुँ। खीजी ङए क्ल्हेने फैबै बाछा पूरा लमिंइ। तलेबिस्याँ याहवेहजी ङलाइ घ्याँर डोरेसि ङए क्ल्हेए ङेंमैंए धिंर पखमिंइमुँ।”

उत्पत्ति 32:10

क्हिजी ह्रोंसए केब्छैंए फिर कति ल्हें म्हाँया लसि उँइँमिंइमुँ दिलेया च म्हाँया योंबै लायकर्बै ङ आरे। तलेबिस्याँ ङ प्हरे घ्रि मत्‍त्रे छेसि यर्दन स्यों तर्दिसि ह्‍याल। तोगो ङल बगाल ङ्हिं तइमुँ।

भजनमैं 21:5

क्हिजी ट्होंगों लमिंबइले खीए मिं थेब तइमुँ, क्हिजी चए मिं थेब् लसि म्रुँमैंइ योंब् धों तबै मान पिंइमुँ।

भजनमैं 40:11

ओ याहवेह, ङए फिर खोंयोंन् बिलै ल्हयो खरिद्! क्हि भर थेंल् खाँबै परमेश्‍वर ग। क्हिजी ङलाइ खोंयोंन् बिलै म्हाँया लरिम्। छतसि ङलाइ जोगेमिंन्।

भजनमैं 41:12

तो ठिक मुँ च केन् ङइ लबइले क्हिजी ङ ल्होमिंम्, धै क्हिजी खोंयोंन् बिलै ङ क्हिए उँइँर्न थेंम्।

भजनमैं 43:3

क्हिए क्ह्रोंसेंन्बै ताँमैं ङने बिमिंसि क्हिए चारबै ह्‍वे उँइँमिंन्; चमैंइन ङ डोरेरिगे; धै क्हिए पबित्र कोंर क्हि टिबै क्‍ल्‍ह्‍योर ङ फेनेल् योंरिगे।

भजनमैं 57:3

खीजी स्वर्गउँइँलेन् ङलाइ जोगेमिंब्मुँ; ङलाइ ह्रुगुदिब्मैंलाइ खीजी हौदिब्मुँ। तिस्याँदे मैंन् छले खीजी खीए खोंयोंइ आनुबै म्हाँया नेरो खी भर लल् खाँबै परमेश्‍वर ग बिबै ताँ ङलाइ उँइँमिंब्मुँ।

हितोपदेश 20:28

म्रुँइ भर लल् खाँबै के नेरो जनतालाइ म्हाँया लस्याँ खोंयोन् बिले म्रुँ तल् योंम्।

लूका 1:33

याकूबए कुल इस्राएली म्हिमैंए फिर खीजी खोंयोंन् बिलै ग्याल्स लब्‍मुँ। खीए ग्याल्स खोंयोंइ म्‍हरिब् आरे।”

हिब्रू 9:24

ओंसोंबै पबित्र क्‍ल्‍ह्‍यो क्ह्रोंसेंन्बै पबित्र क्ल्ह्‍योए नकल मुँल। दिलेया ख्रीष्‍ट म्‍हिमैंइ बनेबै पबित्र क्‍ल्‍ह्‍योर आहों, खी स्‍वर्ग न्होंर्न होंइ। छले खी ङ्योए ल्हागिर परमेश्‍वरए उँइँर टिइमुँ।