भजनमैं 61:2 - परमेश्‍वरए ताँ तमु क्युइर

² ङ‍ए सैं आतेसि पृथ्बीए छ्योगोउँइँले ङइ क्हिने ग्वार ह्रिमा, ङ भन्दा थेबै पारार डोरेमिंन्,

भजनमैं 61:2 ပူးပေါင်းရင်းမြစ်များ

भजनमैं 142:3

ङए सैं च्योंब् तमा ङइ तो लल् त्हुम् बिब क्हिजी सेम्! ङ प्रबै घ्याँर म्हिमैंइ ङए ल्हागिर ङो चुइमुँ।

भजनमैं 143:4

छतसि ङए सैं खैता-खैता तइमुँ, धै ङए सैं बेल्‍ले च्योंइमुँ।

भजनमैं 17:1

ओ याहवेह! ल्होमिंन् बिसि ङइ ग्वार ह्रिमा क्हिजी थेमिंन्! छ्याँबै खोंउँइँले लबै ङए प्राथनार क्हिए न्ह तोमिंन्!

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 18:46

याहवेह सोगों मुँ! ङ लोबै पाराए मिं थेब तरिगे! ङ जोगेमिंबै परमेश्‍वरए मिं बेल्‍ले थेब तरिगे।

भजनमैं 27:5

तलेबिस्याँ दुःख तमा खीजी खी टिबै क्‍ल्‍ह्‍योर ङलाइ जोगेसि थेंमिंब्मुँ, खीए पबित्र तम्बु न्होंर खीजी ङ लोसि थेंमिंब्मुँ, धै थेबै पाराए फिर खीजी ङ नुल्‍ले थेंमिंब्मुँ।

भजनमैं 40:2

खीजी ङलाइ नास तबै होंल्दोउँइँले नेरो हिलए ढाबउँइँले तेसि पखइ, खीजी ङए प्हले पाराए फिर थेंमिंइ, धै ङ राबर भोंबै क्‍ल्‍ह्‍यो पिंइ।

भजनमैं 42:6

ङए सैं आतों। छतसि ङइ यर्दन स्यों नेरो हेर्मोन कोंमैंए ह्‍युलउँइँले धै मिसारए कोंउँइँले क्हिलाइन मैंम्।

भजनमैं 43:5

ओ ङए सैं, क्हि तले आतोंल? ओ ङए खों, क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइना थेब् लब्मुँ।

भजनमैं 55:5

बेल्‍ले ङ्हिंसि ङ त्हारम्, छतसि ङ रेलै आखाँन् तइमुँ।

भजनमैं 62:2

खी मत्‍त्रे ङ रक्षा लमिंबै पारा, नेरो ङए किल्‍ला ग, छतसि ङ ङ्हिंसि त्हाररिब् आरे।

भजनमैं 62:6

खी मत्‍त्रे ङ रक्षा लमिंबै पारा नेरो ङए किल्‍ला ग; छतसि ङ ङ्हिंसि त्हाररिब् आरे।

भजनमैं 77:3

परमेश्‍वर मैंमा ङइ न्हुँ लसि सो खुइ लम्; खीलाइ मैंमा ङए सैं च्योंब् तम्। तिस्याँदे मैंन्

लूका 22:44

च त्‍हेर येशूए सैंर बेल्‍ले दुःख मुँल। छतमा यो छ्युँ लदै खीजी प्राथना लरिमा खीए छैब् थे-थेब कोए थब्लो धों तब सर तेरिल।