भजनमैं 60:5 - परमेश्‍वरए ताँ तमु क्युइर

⁵ क्हिजी म्हाँया लब्मैं दु:खउँइँले फ्रेमिंबर क्हिए क्योलो योजी ङि जोगेमिंन्, ङिए प्राथना ज्वाफ पिंन्!

भजनमैं 60:5 ပူးပေါင်းရင်းမြစ်များ

भजनमैं 127:2

चबै सैमैंए ल्हागिर दुःख लबर न्हाँगर्न रेब नेरो ङेसर क्हैल्‍ले रोबै या फाकर्न ग, तलेबिस्याँ खीजी म्हाँया लब्मैंलाइ, न्हरु पिंम्।

भजनमैं 17:7

ओ प्रभु, ह्रोंसए शत्तुरमैंउँइँले जोगेबै ल्हागिर क्हिने ग्वार ह्रिखब्मैंलाइ क्हिजी ह्रोंसए क्योलो योइ जोगेमिंसि, क्हिए खोंयोंइ आनुबै म्हाँयाजी लबै प्लेटोयान् तबै केमैं उँइँमिंन्।

भजनमैं 18:35

ङलाइ जोगेमिंबै ल्हागिर क्हिन् ङए ढाल तइमुँ। धै क्हिए क्योलो योजी ङ ल्होमिंइमुँ, ङलाइ थेब् लमिंबै ल्हागिर क्हि ह्रोंसन् कुरइमुँ।

भजनमैं 20:6

याहवेहजी ह्रोंसजी त्हाँबै म्हिलाइ ल्होमिंमुँ। खीजी खीए पबित्र स्‍वर्गउँइँले ह्रोंसए क्योलो योर मुँबै जोगेमिंबै भोंउँइँले, ह्रोंसइ त्हाँबै म्हि जोगेमिंब्मुँ बिसि ङइ तोगो सेइमुँ।

भजनमैं 22:8

“याहवेहजीन् जोगेमिंम् बिसि खीए फिर्न चइ भर लम्। च म्रोंसि याहवेह सैं तोंम्, छतसि खीजीन् चलाइ जोगेमिंरिगे,” बिसि चमैंइ ङलाइ प्ह्रम्।

भजनमैं 60:12

परमेश्‍वरउँइँले मत्‍त्रे ङ्योइ ट्होल् खाँब्मुँ, तलेबिस्याँ ङ्योए शत्तुरमैं प्लेवाब खीन् ग।

भजनमैं 71:20

क्हिजी ङए फिर ल्हें दुःखमैं खल् पिंइ, दिलेया क्हिजी ङ धबै सोगों लमिंब्मुँ, पृथ्‍बीए न्होंउँइँले क्हिजी ङ धबै कैंडो पखब्मुँ।

भजनमैं 74:11

क्हिजी ह्रोंसए यो, ह्रोंसए क्योलो योइ तले तोइ लल् आपिंल? क्वें न्होंउँइँले यो ट्हुइदु धै चमैं नास लमिंन्!

भजनमैं 75:9

दिलेया खीजी लबै थे-थेबै केमैंए बयन ङ खोंयोंन् बिले लब्मुँ; याकूबए परमेश्‍वरए मिं क्वेसि ङ क्वे प्रिंब्मुँ,

प्रस्थान 15:6

“ओ याहवेह, क्हिए क्योलो यो बेल्‍ले भोंब् मुँल। ओ याहवेह, क्हिए क्योलो योइ शत्तुरमैं त्हुला भुँ लवाइ।

मत्ती 17:5

पत्रुसइ छले ताँ लनालन् चारबै न्‍हाँम्‍स्योइ खेमैंलाइ हुवाइ। धै “चु ङइ खोबै च्‍ह ग। चु म्रोंसि ङ बेल्‍ले सैं तोंइमुँ। चइ बिबै ताँ छेनाले थेद्!” बिबै कै च न्‍हाँम्‍स्यो न्‍होंउँइँले थेइ।

मत्ती 3:17

झाइले “चु ङइ खोबै च्‍ह ग, चु म्रोंसि ङ बेल्‍ले सैं तोंइमुँ बिबै कै घ्रि स्वर्गउँइँले युइ।”