भजनमैं 59:16 - परमेश्‍वरए ताँ तमु क्युइर

¹⁶ दिलेया ङ बिस्याँ क्हिए शक्‍तिए क्वे प्रिंब्मुँ; ङए फिर क्हिजी लबै खोंयोंइ आनुबै म्हाँयाए बारेर ङ न्हाँगर्न क्वे प्रिंब्मुँ, तलेबिस्याँ क्हि ङए किल्‍ला नेरो ङए फिर दुःख तमा ङइ ग्वार योंबै क्‍ल्‍ह्‍यो तइमुँ।

भजनमैं 59:16 ပူးပေါင်းရင်းမြစ်များ

भजनमैं 101:1

क्हिजी लबै खोंयोंइ आनुबै म्हाँया नेरो ठिक निसाफए बारेर ङ क्वे प्रिंब्मुँ; ओ याहवेह, क्हिए मिंर ङ क्वे प्रिंब्मुँ।

भजनमैं 106:8

बिरोध ललेया ह्रोंसए बेल्‍ले थेबै शक्‍ति म्रोंरिगे बिसि, खीजी ह्रोंसए मिंए आब्रु जोगेबै ल्हागिर चमैं जोगेमिंइ।

भजनमैं 138:7

ङइ ल्हें दुःख योंलै या क्हिजी ङ जोगेमिंम्। ङए शत्तुरमैं ह्रिस खसि ङने छैखमा क्हिजी यो स्योंम्, झाइले ह्रोंसए क्योलो योजी ङ जोगेमिंम्।

भजनमैं 143:8

न्हाँग छजँ क्हिए खोंयोंइ आनुबै म्हाँयाए बारेर थेरिगे; तलेबिस्याँ क्हिए फिर्न ङइ भर थेंइमुँ। ङ प्रल् त्हुबै घ्याँ ङलाइ लोमिंनु, तलेबिस्याँ ङए सो ङ क्हि ङाँइन क्वेमुँ।

भजनमैं 145:11

ताँन् म्हिमैंइ क्हिजी लबै शक्तिए केमैं था सेरिगे, धै क्हिए ग्याल्सर्बै छ्याँ-छ्याँबै म्हारबै सैमैं म्रोंरिगे बिसि

भजनमैं 21:13

ओ याहवेह, ह्रोंसए थेबै भोंर क्हि ताँन् भन्दा थेब् तद्! क्हिए भोंजी लबै थेबै केए क्वे प्रिंदै ङि क्हिए मिं क्वेब्मुँ।

भजनमैं 30:5

तलेबिस्याँ खी तिस्याँदे मत्‍त्रे ह्रिस खम्, दिलेया ङ्योए छ्ह तिगोंन् खीजी ल्हयो खरिम्। म्हुँइँस् तिमिंन् मिग्लि युलेया न्हाँगर बिस्याँ सैं तोंल् योंब्मुँ।

भजनमैं 31:7

क्हिए खोंयोंइ आनुबै म्हाँयाजी ङ छिं ङ्हाँल् योंइमुँ, छतसि ङ बेल्‍ले सैं तोंब्मुँ, तलेबिस्याँ क्हिजी ङए दुःख म्रोंइमुँ, ङए सैंर्बै दुःख क्हिजी सेइमुँ,

भजनमैं 36:5

ओ याहवेह, ङिए फिर क्हिजी लबै खोंयोंइ आनुबै म्हाँया स्वर्ग समा फेनेइमुँ, क्हि‍जी बिबै ताँमैं या मु समा भर लल् खाँब मुँ।

भजनमैं 4:1

ओ ङलाइ ठिक ठर्दिमिंबै परमेश्‍वर, ङइ ग्वार ह्रिमा ङलाइ ज्वाफ पिंन्। ङए फिर दुःख तमा क्हिजी ल्होमिंइ। ङए फिर दयाम्हाँया लमिंसि ङए प्राथना थेमिंन्!

भजनमैं 46:1

ङ्योए लोबै क्‍ल्‍ह्‍यो नेरो भों पिंब परमेश्‍वरन् ग, दुःख तमा युन्लेन् ङ्योलाइ ल्होमिंब खीन् ग।

भजनमैं 5:3

ओ याहवेह, न्हाँगर्न क्हिजी ङए कै थेम्; ङइ न्हाँग फोर्न क्हिने प्राथना लसि क्हि ङाँइँले योंबै ज्वाफ ह्रेरिम्।

भजनमैं 77:2

दुःख योंबै त्हेर ङइ प्रभु म्हैम्; ङइ आनारल्‍ले म्हुँइँस तिमिंन् ङए यो स्योंइ; परमेश्‍वरजी आल्होमिंन् समा ङ छिं आङ्हाँ।

भजनमैं 86:13

तलेबिस्याँ ङए फिर क्हिए खोंयोंइ आनुबै म्हाँया बेल्‍ले थेब मुँ; धै क्हिजी ङए सो क्रोंर्बै गैरु क्ल्ह्‍योउँइँले फ्रेमिंइमुँ।

भजनमैं 88:13

दिलेया ओ याहवेह, ङम् क्हिनेन् ग्वार ह्रिमुँ; धै न्हाँकर्न ङइ लबै प्राथना क्हिए उँइँर खम्।

भजनमैं 89:1

याहवेहजी लबै खोंयोंइ आनुबै म्हाँयाए बारेर ङइ खोंयोंइ क्वे प्रिंब्मुँ; क्हि भर लल् खाँब मुँ बिसि ङइ ताँन् पुस्ता-पुस्ताने बिमिंब्मुँ।

प्रस्थान 15:6

“ओ याहवेह, क्हिए क्योलो यो बेल्‍ले भोंब् मुँल। ओ याहवेह, क्हिए क्योलो योइ शत्तुरमैं त्हुला भुँ लवाइ।

रोमी 15:9

झाइले अरू ह्रेंमैंज्‍यै या परमेश्‍वरजी पिंबै ल्हयो योंसेरो खीए मिं थेब् लरिगे बिसि ख्रीष्‍ट युब् ग। चु ताँए बारेर परमेश्‍वरए छ्वेर छले प्ह्रिइमुँ, “ङइ अरू ह्रेंमैंए म्‍हाँजोरि क्‍हिए मिं थेब् लब्‍मुँ, झाइले क्‍हिए मिंर भजन प्रिंब्‍मुँ।”

२ कोरिन्थी 1:10

छाबै ङ्हिंन् ङ्हाँबै दुःखउँइँले या परमेश्‍वरजी ङिलाइ जोगेमिंइ। ओं, अझैन खीजी ङिलाइ जोगेमिंब्मुँ। खीजी जोगेमिंब्मुँ बिसि ङिइ खीए फिर्न भर लइमुँ।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।