भजनमैं 59:10 - परमेश्‍वरए ताँ तमु क्युइर

¹⁰ परमेश्‍वरए खोंयोंइ आनुबै म्हाँया ङए फिर थेब मुँ। खी ङए ओं-ओंसों ह्‍याब्मुँ, धै ङए बिरोधर राब्मैंलाइ ङइन ट्होल् पिंब्मुँ।

भजनमैं 59:10 ပူးပေါင်းရင်းမြစ်များ

भजनमैं 112:8

चए सैं भोंब मुँ, छतसि च आङ्हिं, लिउँइँ शत्तुरमैं हार्दियाब चइ म्रोंब्मुँ।

भजनमैं 21:3

छ्याँ-छ्याँबै सैमैं पुयुसि क्हि चने त्होबर युइ, धै छ्याँबै माराए मुकुट चए क्रर कुमिंइ।

भजनमैं 46:8

खो, याहवेहजी लबै केमैं ङ्ह्‍योनेले। ह्‍युलर खीजी नास लबै केमैं ङ्ह्‍योद्।

भजनमैं 5:8

ओ याहवेह, ङए शत्तुरमैं ल्हें मुँ छतसि क्हिए ठिक घ्याँर ङ डोरेमिंन्; क्हिए घ्याँ ङए ओंसों सोजो लमिंन्।

भजनमैं 54:5

ङए शत्तुरमैंइ लबै आछ्याँबै केमैंए दण्ड खीजी चमैंलाइ पिंब्मुँ। ठिक निसाफ लसि क्हिजी चमैं नास लवाद्।

भजनमैं 54:7

छतसि सैं तोंदै ख्रो किंसि ङ क्हि ङाँर खब्मुँ; क्हिए मिं छ्याँब मुँ, छतसि ङइ क्हिए मिं थेब् लब्मुँ।

भजनमैं 56:2

ङए शत्तुरमैंइ त्हिंइतिमिन् ङलाइ ल्हाम्; ल्हें म्हि ह्रिस उँइँदै ङने नेबर खम्।

भजनमैं 56:6

ङइ आसेल्‍ले चमैंइ ङए बिरोधर आछ्याँबै चाँजो लम्; चमैंइ ङ प्रबै घ्याँ ङ्ह्‍योमुँ; ङ सैब् बिसि चमैं च्ह्‍याइ टिम्।

भजनमैं 59:17

ओ ङए भों, क्हिए बयन लदै ङ क्वे प्रिंब्मुँ, ओ परमेश्‍वर, क्हि ङए किल्‍ला, नेरो ङलाइ खोंयोंइ आनुबै म्हाँया लबै परमेश्‍वर ग।

भजनमैं 79:8

ङिए खेमैंइ लबै पापए हिसाब ङिने आकिंन्; ङिए फिर क्हिजी युनन् ल्हयो खमिंन्, तलेबिस्याँ ङिलाइ क्हिए थेबै खाँचो मुँ।

भजनमैं 91:8

क्हिइ ह्रोंसए मिइ मत्‍त्रे च म्रोंब्मुँ धै दुष्‍टमैंइ योंबै सजैं म्रोंब्मुँ।

भजनमैं 92:11

ङए शत्तुरमैं हार्दिब ङए मिइ म्रोंइमुँ; ङए शत्तुरमैं ल्हावाबै ताँ ङए न्हइ थेइमुँ।

२ कोरिन्थी 1:3

ङ्योए प्रभु येशू ख्रीष्‍टए परमेश्‍वर, अथवा खीए आबाजी ङ्योए फिर ल्हयो खसि सैं क्होमिंम्। छतसि खीए मिं खोंयोंन् बिलेया थेब तरिगे।

१ थेसलोनिकी 4:15

प्रभुजी बिबै ताँउँइँले ङिइ क्‍हेमैंने बिमुँ, ङ्यो प्रभु युबै त्हिंइ समा सोरिब्मैं खीए फिर बिश्‍वास लसि ओंसों सियाब्‍मैं भन्दा ओंसों ह्‍याल् आयों,

१ पत्रुस 5:10

दयाम्हाँया मुँबै परमेश्‍वरजी क्हेमैंलाइ येशू ख्रीष्‍टने घ्रिन् लमिंइमुँ, धै खीजी योंब् धों तबै खोंयोंइ आनुबै मान ङ्योज्यै या योंरिगे बिसि खीजी ङ्योलाइ त्‍हाँइमुँ। क्‍हेमैंइ तिस्याँदे दुःख योंबै लिउँइँ खीजीन् क्हेमैंलाइ धबै छारा लमिंसि, भोंसि लमिंब्मुँ धै बेल्‍ले शक्‍ति मुँब लमिंब्‍मुँ।