भजनमैं 58:3 - परमेश्‍वरए ताँ तमु क्युइर

³ आमाए फो न्होंउँइँलेन् दुष्‍ट म्हिमैंइ आछ्याँबै ताँ मैंम्; फिबै तोदोंन् चमैं आछ्याँबै घ्याँउँइँ प्रसि स्योलिबै ताँमैं पोंम्।

भजनमैं 58:3 ပူးပေါင်းရင်းမြစ်များ

भजनमैं 22:10

फिबै त्हे ओंनोंन् ङ क्हिलन् ग, आमाए फोर मुँब् ओंनोंबै ङए परमेश्‍वर क्हिन् ग।

भजनमैं 51:5

क्ह्रोंसेंन फिबै त्हे ओंनोंन् ङ पापि मुँल, ङए आमाए फो न्होंर मुँब् ओंनोंन् ङ पापि मुँल।

भजनमैं 55:10

आगुए न्होह्रों लब् बिसि चमैं त्हिंयाँ म्हुँइँस सहरर्बै गाराए फि-फि प्रप्रम्, चमैंए सुँइ आछ्याँबै ताँमैं पोंमुँ; धै चमैंए सैंइ आछ्याँबै चाँजोमैं लम्।

हितोपदेश 22:15

कोलोमैं आचडु मत्त्रे लदा ङ्‍हाँम्; दिलेया तार झोंबर प्हरेइ प्रुमा आचडु लब पिवाम्।

एफिसी 2:3

च म्हिमैं धोंलेन् ङ्यो ताँनइ ओंसों ङ्योए सैंउँइँले खबै आछ्याँबै इच्‍छा पूरा लबै ल्हागिर लोब लमल। छतसि अरूमैंने धोंले ङ्योने या परमेश्‍वर ह्रिस खल।