भजनमैं 57:2 - परमेश्‍वरए ताँ तमु क्युइर

² ङए ल्हागिर तोन्दोंरि लमिंबै ताँन् भन्दा थेबै परमेश्‍वरनेन् ङइ ग्वार ह्रिइमुँ।

भजनमैं 57:2 ပူးပေါင်းရင်းမြစ်များ

भजनमैं 138:8

याहवेहजी ङए ल्हागिर लबै चाँजोमैं पूरा लमिंब्मुँ। ओ याहवेह, ङिए फिर क्हिए म्हाँया खोंयोंन् बिलै तरिब्मुँ। क्हिए योजी लबै केमैं आवामिंन्।

भजनमैं 143:9

ओ याहवेह, ङए शत्तुरमैंउँइँले ङ जोगेमिंनु! तलेबिस्याँ क्हिए प्हलेर्न ङ ग्वार योंबर खइमुँ!

भजनमैं 17:8

क्हिए मिफुँ धोंले ङ जोगेसि थेंमिंन्।

भजनमैं 41:5

ङए शत्तुरमैंइ “चु खोंयों सियाब् ङ्‍हे चुए मिं क्ह्र खोंयों म्हयाब् ङहे?” बिसि ङए बारेर आछ्याँबै ताँमैं लमुँ।

भजनमैं 56:2

ङए शत्तुरमैंइ त्हिंइतिमिन् ङलाइ ल्हाम्; ल्हें म्हि ह्रिस उँइँदै ङने नेबर खम्।

फिलिप्पी 1:6

परमेश्‍वरजी क्हेमैंए न्होंरि छ्याँबै के तों लइ, खीजीन् येशू ख्रीष्‍ट युबै त्हिंइ समा च के नुमिंब्मुँ बिसि ङइ बिश्‍वास लइमुँ।

फिलिप्पी 2:12

छतसि, ओ ङइ खोबै अलि-अङाँमैं, क्हेमैंइ खोंयोंइ ङइ बिबै ताँमैं ङिंरिइमुँ। ङ क्‍हेमैंने मुँमा ङए उँइँर लब् धोंले मत्‍त्रे आङिं, ङ क्हेमैंने आरेबै त्हेरै या छलेन परमेश्‍वरने ङ्हिंदै ह्रोंसइ योंबै मुक्‍ति जोगेबर के लसि उँइँन्।

हिब्रू 13:21

क्‍हेमैं ताँनलाइ छ्याँबै गुनइ प्लिंमिंरिगे, धै खीए सैंर मैंब् धों तब क्हेमैंइ लल् खाँरिगे। परमेश्‍वरजी खोबै के येशू ख्रीष्‍टउँइँले खीजी क्हेमैंए म्हाँजोर लरिगे। येशूए मिं खोंयोंन् बिलै थेब तरिगे। आमेन, छान् तरिगे।