भजनमैं 57:1 - परमेश्‍वरए ताँ तमु क्युइर

¹ ङए फिर ल्हयो खमिंन्, ओ परमेश्‍वर, ल्हयो खमिंन्! क्हिए प्हलेर्न ग्वार योंबर ङ खइमुँ; चु दु:ख पिंबै सैंमैं आस्योवान् समा क्हिए प्ह्‍यागोंए न्होंर्न ङइ ग्वार योंब्मुँ।

भजनमैं 57:1 ပူးပေါင်းရင်းမြစ်များ

भजनमैं 125:1

याहवेहए फिर भर थेंब्मैं सियोन कों धों तम्, च कोंलाइ खाबज्यै लाल् आखाँ, खोंयोंन् बिलै तरिम्।

भजनमैं 13:5

दिलेया क्हिए खोंयोंइ आनुबै म्हाँयार ङइ सैं केंइमुँ, क्हिजी ङ जोगेमिंबइले ङए सैं तोंब्मुँ।

भजनमैं 142:1

ओरदै ङ याहवेहने ग्वार ह्रिमुँ, ङए फिर ल्हयो खमिंन् बिसि थेबै कै तेदै ङइ याहवेहने यो छ्युँ लम्।

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 36:7

ओ याहवेह, क्हिए खोंयोंइ आनुबै म्हाँया बेल्‍ले थेब मुँ! ताँन् म्हिमैंइ क्हिए प्ह्‍यागोमैं न्होंर ग्वार योंम्।

भजनमैं 56:1

ओ परमेश्‍वर, ङए फिर दयाम्हाँया लमिंन्, तलेबिस्याँ त्हिंइतिमिन् म्हिमैं ङने नेबर खम्; धै चमैंइ ङलाइ ह्रुगुदिम्।

भजनमैं 58:1

ओ क्रथे मिंथेमैं, क्ह्रोंसेंन्लेन् क्हेमैंइ स्योर आतेल्‍ले ठिक ताँमैं मत्‍त्रे पोंम्‍मा? क्हेमैंइ म्हिमैंए फिर ठिक निसाफ लम्‍मा?

भजनमैं 59:1

ओ ङए परमेश्‍वर, ङए शत्तुरमैंउँइँले ङ फ्रेमिंन्; ङए बिरोधर राब्मैंउँइँले ङ रक्षा लमिंन्;

भजनमैं 61:4

खोंयोंन् बिलै क्हिए तम्बुर ङलाइ टिल् पिंन्! क्हिए प्ह्‍यागोंमैंइ ङए रक्षा लद्। तिस्याँदे मैंन्

भजनमैं 63:7

तलेबिस्याँ क्हिजी ङ ल्होमिंइमुँ, छतसि ङ क्हिए प्ह्‍यागोंमैंए छरि न्होंर सैं तोंसि क्वे प्रिंमुँ।

भजनमैं 75:1

ओ परमेश्‍वर, ङिइ क्हिलाइन धन्यबाद पिंम्, क्हि ङिए चेंदो मुँ, छतसि ङिइ क्हिलाइ धन्यबाद पिंम्। क्हिजी लबै औदिबै केमैंए बयन् म्हिमैंइ लम्।

भजनमैं 9:10

क्हिलाइ ङो सेब्मैंइ क्हिए फिर्न भर लम्; तलेबिस्याँ ओ याहवेह, क्हिलाइ म्हैब्मैंलाइ क्हिजी खोंयोंइ पिरिब् आरे।

भजनमैं 91:1

ताँन् भन्दा थेबै परमेश्‍वरने ग्वार ह्रिबै म्हि तोन्दोंरि लल् खाँबै परमेश्‍वरए छरि न्होंर टिरिब्मुँ।

भजनमैं 91:4

खीजी ह्रोंसए प्ह्‍यागोंइ क्हिलाइ हुमिंब्मुँ, धै खीए प्ह्‍यागों न्होंर क्हिइ ग्वार योंब्मुँ; खी भर लल् खाँबै परमेश्‍वर ग, छतसि ढाल तसि खीजी क्हिलाइ रक्षा लमिंम्।

भजनमैं 91:9

याहवेहने क्हि टिरिम्, ताँन् भन्दा थेबै परमेश्‍वर क्हिइ ग्वार योंबै क्‍ल्‍ह्‍यो तइमुँ।

मत्ती 24:22

दिलेया च दुःखए त्हिंइ परमेश्‍वरजी आघटिमिंस्याँ खाबै या सोल् आखाँमल। छतसि परमेश्‍वरजी खीजी त्हाँबै म्‍हिमैं सोरिगे बिसि च त्हिंइ घटिमिंब्मुँ।

लूका 13:34

झाइले येशूजी बिइ, “यरूशलेमथेंमैं, ओ यरूशलेमथेंमैं, क्‍हेमैंइ अगमबक्‍तामैं सैवाइमुँ, छलेन क्हेमैं ङाँर खब्मैंलाज्यै या युँमाइ प्रिंइ। नग आमाइ प्हसेमैं प्‍ह्‍याइ हुब् धोंले ङइ ल्‍हें खे क्‍हेमैंलाइ हुल् म्हैइ, दिलेया क्‍हेमैं आङिं।

यूहन्‍ना 16:20

क्ह्रोंसेंन ङ क्हेमैंने बिमुँ, क्हेमैं न्हुँ लसि क्रोब्मुँ, दिलेया ह्‍युलर्बै म्हिमैं बिस्याँ सैं तोंब्मुँ। क्हेमैं न्हुँ लसि टिलेया लिउँइँ सैं तोंल् योंब्मुँ।

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”

दर्शन 7:14

ङइ चने बिइ, “ओ चिब, ङलाइ था आरे। चु ताँ क्‍हिजीन् सेइमुँ।” चइ ङने बिइ, “चमैं थेबै दुःख सैदिसि खब्‍मैं ग। चमैंइ ह्रों-ह्रोंसए क्‍वेंमैं क्‍यु च्हजए कोर ख्रुसि फोस्रे ब्योंब लइमुँ।

रूथ 2:12

छले छ्याँबै के लबइले क्हिए फिर इस्राएलए परमेश्‍वर याहवेहजी आशिक पिंरिगे। खी ङाँर क्हि खइमुँ, छतसि खीजी खोंयोंन् बिलै क्हिए फिर आशिक पिंरिगे।”