भजनमैं 56:8 - परमेश्‍वरए ताँ तमु क्युइर

⁸ ङइ योंबै दुःखए हिसाब-कितब थेंमिंन्, ङए मिग्लि खेरो ह्‍याल् आपिंन्। ङइ योंबै दुःखए हिसाब-कितब क्हिजी आप्ह्रिइमुँ वा?

भजनमैं 56:8 ပူးပေါင်းရင်းမြစ်များ

भजनमैं 121:8

क्हि बैरु ह्‍यामा न्होंर खमा खनि ह्‍यालै या याहवेहजी क्हिए रक्षा लमिंब्मुँ, तोगोउँइँले खोंयोंन् बिलै।

भजनमैं 139:16

क्हिजी ङए आबनेबै ज्यु म्रोंइ। ङ कति सोल् योंम् बिसि ङ फिब् भन्दा ओंसोंन् क्हिए कितबर प्ह्रिथेंल।

भजनमैं 39:12

“ओ याहवेह, ङए प्राथना थेमिंनु, ङइ क्हिने ग्वार ह्रिमा क्हिजी थेमिंनु; ङ क्रोदै ग्वार ह्रिमा ङलाइ ल्होमिंन्! तलेबिस्याँ ङए खेमैं धोंलेन् ङ आगुए ह्‍युलर्बै म्हि ग, स्याँ म्हि मुँलेया ङ क्हिनेन् टिम्।

मत्ती 10:30

परमेश्‍वरजी क्‍हेमैंए क्र प्हो या ताँन् घ्रि-घ्रिले च्‍योइमुँ।

२ कोरिन्थी 11:26

छलेन येशू ख्रीष्‍टउँइँले खबै सैं तोंबै ताँ बिप्रमा ल्हें खे ङलाइ स्‍योंइ नोबोल् म्हैइ, ह्‍योमैंइ ङ सैल् म्हैइ, ह्रोंसए यहूदी ह्रेंमैं नेरो अरू ह्रेंमैंज्‍यै या ङलाइ दुःख पिंइ। सहरजरे या, म्‍हि आटिबै ह्‍युलरै या, मा ङ्युँइरै या, झाइले स्‍योर्गु थुमैंउँइँले या ङइ दुःख योंइ।

हिब्रू 11:13

च ताँन् म्‍हिमैंइ परमेश्‍वरजी पिंम् बिसि बाछा फैबै सैंमैं आयोंलेया बिश्‍वास लसिन् सिइ, दिलेया च सैमैं ह्रेंगोउँइँलेन् म्रोंसि चमैं सैं तोंइ। तलेबिस्याँ चु पृथ्बीर म्हिमैं ङ्हिरोबै प्ह्रें धों तब् मुँन बिबै ताँ चमैंइ सेइ।

हिब्रू 11:38

(चु ह्‍युल चमैं टिबै लायकबै आरेल!) चमैं क्यु आयोंबै क्ल्ह्‍योजरे, कोंजरे, उजरे नेरो रो न्होंजरे टिप्रल् त्‍हुइ।

हिब्रू 11:8

बिश्‍वासउँइँलेन् अब्राहामइ परमेश्‍वरजी बिब ङिंइ, धै ह्‍याद् बिबै क्ल्ह्‍योउँइँ ह्‍याइ। लिउँइँ च क्ल्ह्‍योए क्ल्हे चलाइन तल् पिंबै सैं परमेश्‍वरल् मुँल। दिलेया ह्रोंस खनइ ह्‍यारिइमुँ बिब ह्रोंसलाइन था आरेल।

दर्शन 20:12

सियाब्‍मैं, थेब, च्‍योंब ताँन् राजगद्दिए उँइँर रारिब् ङइ म्रोंइ। परमेश्‍वरजी कितबमैं फैथेंल। सियाब्‍मैंइ सोगों मुँमा तो तो के लल, च केमैं ताँन् च कितबर प्‍ह्रिथेंल। धै चमैंइ लबै के ङ्‍ह्‍योसि परमेश्‍वरजी निसाफ लमल। (अर्को कितब घ्रि या खीजी फैइ। च कितबर खोंयोंइ आखाँबै छ्ह योंबै म्हिमैंए मिं प्‍ह्रिल।)

दर्शन 7:17

तलेबिस्याँ राजगद्दिए म्‍हाँजोर मुँबै क्‍यु च्हजजीन् चमैंए प्‍ह्रोंछैं तसि रक्षा लब्मुँ, धै खोंयोंइ आखाँबै छ्ह योंबै क्‍युए मूलर खीजी चमैंलाइ डोरेसि बोमिंब्‍मुँ। धै परमेश्‍वरजी चमैंए मिर्बै मिग्लि फ्‍योमिंब्‍मुँ।”