भजनमैं 56:4 - परमेश्‍वरए ताँ तमु क्युइर

⁴ परमेश्‍वरजी पोंबै ताँमैंए बयन ङ लरिमुँ। खीए फिर्न ङइ भर लइमुँ, छतसि ङ ङ्हिंरिब् आरे। म्हिमैंइ ङलाइ तो लल् खाँमुँ?

भजनमैं 56:4 ပူးပေါင်းရင်းမြစ်များ

भजनमैं 118:6

याहवेह ङने बालुन् मुँ, छतसि ङ तो सैने या ङ्हिंरिब् आरे, म्हिमैंइ ङलाइ तोइ लल् आखाँ।

भजनमैं 119:160

क्हिजी पोंबै ताँन् ताँमैं क्ह्रोंसेंन्बै मुँ, क्हिए ताँन् ठिक निसाफमैं खोंयोंन् बिलै तरिम्।

भजनमैं 12:6

याहवेहजी फैबै बाछामैं खोट आरेब मुँ, सए कोदर मिइ ङिखे समा खारिदिबै चाँदि धोंब खीजी फैबै बाछा मुँ।

भजनमैं 138:2

क्हिजी ह्रोंसए मिं नेरो क्हिए बाछामैं तोन्दोंरि सैमैंए फिर बेल्‍ले थेब लइमुँ। छतसि क्हिए पबित्र क्ल्ह्‍योउँइँ ङ तोसि क्हिलाइन फ्योब्मुँ, धै क्हि खोंयोंइ आनुबै म्हाँया लब नेरो ङइ भर लल् खाँबै परमेश्‍वर ग बिसि ङ क्हिए मिं थेब लब्मुँ।

भजनमैं 27:1

याहवेह ङए चारबै ह्‍वे नेरो ङए मुक्‍ति ग! ङ खाब्ने ङ्हिंब? याहवेहन् ङए रक्षा लबै किल्‍ला ग। छतसि ङ खाब् म्रोंसि ङ्हिंब?

यूहन्‍ना 10:35

छ्वेर्बै ताँमैं खोंयोंइ स्योर आत। छतसि खाबै ङाँर परमेश्‍वरए ताँ युमुँ, चमैंने देउतमैं बिम्।

हिब्रू 13:6

छतसि ङ्योइ ढुक्‍कले बिले, “याहवेहजी ङलाइ ल्होमिंम्, छतसि ङ ङ्हिंरिब् आरे। म्‍हिमैंइ ङलाइ तो लल् खाँमुँ?”