भजनमैं 56:13 - परमेश्‍वरए ताँ तमु क्युइर

¹³ तलेबिस्याँ छ्ह योंब्मैंए फिर परमेश्‍वरए ह्‍वे चारब् धोंले ङए फिरै या क्हिए ह्‍वे चारमिंन्; ङ क्हिए उँइँर छेनाले प्ररिगे बिसि क्हिजी ङए प्हले थुरसि क्हुरल् आपिं, धै कालए सुँउँइँले या क्हिजी ङ फ्रेपखइ।

भजनमैं 56:13 ပူးပေါင်းရင်းမြစ်များ

उत्पत्ति 17:1

अब्राम कुच्युसे कुदिं तमा याहवेह अब्राम ङाँर युसि चने बिइ, “तोन्दोंरि सै लल् खाँबै परमेश्‍वर ङ ग। छतसि छ्याँबै केमैं लसि ङए उँइँर प्रद्।

भजनमैं 145:14

क्हुरियाब्मैं ताँनलाइ याहवेहजी ल्होमिंम्; आगुइ प्लेथेंब्मैं ताँनलाइ खीजी रेमिंम्।

भजनमैं 17:5

क्हिजी प्रद् बिबै घ्याँर ङए प्हलेइ भोंन्‍ले म्हैमुँ, धै ङए प्हले आप्लेइमुँ।

भजनमैं 49:15

दिलेया ङलाइ बिस्याँ परमेश्‍वरजी क्रोंउँइँले फ्रेमिंब्मुँ, धै खीने बालुन् टिल् पिंब्मुँ। तिस्याँदे मैंन्

भजनमैं 94:18

ओ याहवेह, “ङए प्हले प्लेइमुँ” बिसि ङ‌इ बिमा क्हिए खोंयोंइ आनुबै म्हाँयाजी ङ थौंदिमिंइ।

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

२ कोरिन्थी 1:10

छाबै ङ्हिंन् ङ्हाँबै दुःखउँइँले या परमेश्‍वरजी ङिलाइ जोगेमिंइ। ओं, अझैन खीजी ङिलाइ जोगेमिंब्मुँ। खीजी जोगेमिंब्मुँ बिसि ङिइ खीए फिर्न भर लइमुँ।

१ थेसलोनिकी 1:10

झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

हिब्रू 2:15

छले छ्ह तिगोंन् सिल् त्‍हुम् बिसि ङ्हिंरिबै म्हिमैंलाइ ङ्हिंबउँइँले फ्रेमिंइ।

याकूब 5:20

चइ चु ताँ था सेरिगे: पापि घ्रिलाइ चए आछ्याँबै घ्‍याँउँइँले एपखबै म्हिइ चलाइ सिबउँइँले जोगेमिंब्मुँ, धै चए ताँन् पापमैं क्षमा तब्मुँ।