भजनमैं 54:5 - परमेश्‍वरए ताँ तमु क्युइर

⁵ ङए शत्तुरमैंइ लबै आछ्याँबै केमैंए दण्ड खीजी चमैंलाइ पिंब्मुँ। ठिक निसाफ लसि क्हिजी चमैं नास लवाद्।

भजनमैं 54:5 ပူးပေါင်းရင်းမြစ်များ

भजनमैं 137:8

ओ बेबिलोनए च्हमि, क्हि नास लवाब्मुँ। ङिए फिर क्हिइ खै लल, छाबन् खि किंबै म्हिइ आशिक योंब्मुँ।

भजनमैं 143:1

ओ याहवेह, ङए प्राथना थेमिंनु, ल्होमिंन् बिसि ङइ ग्वार ह्रिब थेमिंनु! क्हि भर लल् खाँब नेरो ठिक के लबै परमेश्‍वर ग, छतसि ङलाइ जवाफ पिंनु।

भजनमैं 143:12

ङए फिर क्हिए म्हाँया खोंयोंइ आनुल्‍ले मुँ, छतसि ङए शत्तुरमैं सैवाद्, धै ङए फिर दु:ख पिंब्मैं ताँनलाइ नास लवाद्, तलेबिस्याँ ङ क्हिए केब्छैं ग।

भजनमैं 27:11

ओ याहवेह, क्हिए छ्याँबै घ्याँर प्रबर ङलाइ लोमिंन्। ङए शत्तुरमैं ल्हें मुँ, छतसि क्हिए छ्याँबै घ्याँर डोरेमिंन्।

भजनमैं 31:23

ओ खीए ताँन् म्हिमैं, याहवेहलाइ म्हाँया लद्! खीए फिर बिश्‍वास लब्मैंलाइ याहवेहजी रक्षा लम्, दिलेया थेब् प्हैंब्मैंलाइ बिस्याँ खीजी पिंल् त्हुबै दण्ड पिंम्।

भजनमैं 5:8

ओ याहवेह, ङए शत्तुरमैं ल्हें मुँ छतसि क्हिए ठिक घ्याँर ङ डोरेमिंन्; क्हिए घ्याँ ङए ओंसों सोजो लमिंन्।

भजनमैं 86:14

ओ परमेश्‍वर, घमण्डि म्हिमैं ङए बिरोधर रेइमुँ; दयाम्हाँया आरेब्मैंइ ङलाइ सैल् म्हैइमुँ; धै च म्हिमैंइ क्हिलाइ आमैं।

भजनमैं 89:49

ओ प्रभु, क्हिजी लबै खोंयोंइ आनुबै ओंसोंबै म्हाँया खनिर ह्‍याइ? क्हिजी दाऊदने बालु म्हाँया लब्मुँ बिसि चबै कसम खनिर ह्‍याइ?

भजनमैं 94:23

चमैंइ लबै पाप खीजी चमैंए फिर्न कुमिंब्मुँ, धै दुष्‍ट केमैं लबइले चमैंलाइ नास लवाब्मुँ; ङ्योए याहवेह परमेश्‍वरजी चमैं नास लवाब्मुँ।

२ तिमोथी 4:14

अलेक्‍जेन्डर बिबै कुमालेइ ङलाइ बेल्‍ले दुःख पिंइ। प्रभुजी चलाइ चइ लबै के अनुसार्बै दण्‍ड पिंब्‍मुँ।

दर्शन 18:6

चइ खै लल चने छान् लद्, चइ तिल दुःख पिंल, क्हिइ ङ्हिल दु:ख पिंन्। चइ क्हेमैंलाइ तो सैइ म्हेरल् लल च भन्दा झन् म्हेरल् लबै सैइ क्हिइ चलाइ म्हेरल् लवाद्।