भजनमैं 51:16 - परमेश्‍वरए ताँ तमु क्युइर

¹⁶ क्हि ख्रोर सैं तोंस्याँ क्हिए मिंर ङइ ख्रो पिंमल, दिलेया मिर ख्रोंसि पिंबै ख्रोमैंरै या क्हि सैं आतों।

भजनमैं 51:16 ပူးပေါင်းရင်းမြစ်များ

भजनमैं 40:6

ख्रो नेरो भेटि क्हिजी आम्है, मिर ख्रोंसि पिंबै ख्रो नेरो पाप ख्रुबै ल्हागिर्बै ख्रो क्हिजी आह्रि। बरु क्हिए ताँ थेबै ल्हागिर क्हिजी ङए न्हमैं थोमिंइमुँ।

भजनमैं 50:8

दिलेया क्हिइ पिंबै ख्रोमैंए ल्हागिर ङइ क्हिलाइ दोष आपिं, ङए मिंर मिर ख्रोंसि पिंबै ख्रोमैं क्हिइ खोंयोंन् बिलै पखब ङइ म्रोंइमुँ।

भजनमैं 51:6

क्ह्रोंसेंन क्हिजी ङए खों छ्याँब् तरिगे ङ्हाँम्, छतसि क्हिजी ङए सैंर ज्ञान-बुद्धिए ताँमैं झोंमिंम्।

भजनमैं 71:15

क्हिजी लबै ठिक केमैं नेरो क्हिजी ङ जोगेमिंबै बारेर त्हिंइतिमि ङए सुँइ पोंब्मुँ। दिलेया च केमैं कति मुँ बिब ङइ आसे।

प्रस्थान 21:14

दिलेया म्हि ह्रिस खसि दाउ ङ्‍ह्‍योसि म्हिलाइ सैइ बिस्याँ, छाबै म्हिलाइ सैबर बोयाद्, ङए ख्रो पिंबै क्ल्ह्‍योर ह्‍यसि टिलेया सैबर बोयाद्।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

हितोपदेश 21:27

दुष्‍ट म्हिइ पिंबै ख्रो याहवेहजी आखो; झन् आछ्याँब सैं लसि पिंबै ख्रो कति आखो।