भजनमैं 51:14 - परमेश्‍वरए ताँ तमु क्युइर

¹⁴ ओ परमेश्‍वर, ङलाइ जोगेमिंबै परमेश्‍वर, ङइ म्हि सैवाइ, च पापउँइँले ङ क्षमा पिंन्, ङए पाप क्षमा लमिंबइले क्हिए मिं क्वेदै ङ क्वे प्रिब्मुँ।

भजनमैं 51:14 ပူးပေါင်းရင်းမြစ်များ

उत्पत्ति 42:22

रूबेनइ चमैंने बिइ, “ङइ च कोलो तोइ आलद् बिसि क्हेमैंने बिब् आङिं वा? क्हेमैंइ थेबै न्ह आल। तारे चलाइ सैवाबै नों ङ्योइ नोल् त्हुम्।”

उत्पत्ति 9:6

परमेश्‍वरजी म्हिलाइ ह्रोंस धोंबन् बनेइमुँ। छतसि खाबइ म्हिलाइ सैमुँ, चलाज्यै या म्हिइ सैब्मुँ।

भजनमैं 25:5

क्हिए क्ह्रोंसेंन्बै घ्याँर प्रबर ङलाइ लोमिंन्, तलेबिस्याँ ङलाइ जोगेमिंबै परमेश्‍वर क्हिन् ग; धै ङइ त्हिंतिमिंन् क्हिए फिर्न आशा लइमुँ।

भजनमैं 26:9

पापिमैंने बालुन् ङलाइ नास आलद्, धै म्हि सैमैंने ङलाइ बालु आलमिंन्।

भजनमैं 35:28

क्हिजी लबै ठिक केमैंए बयन लदै ङ खोंयोंन् बिलै क्हिए मिं क्वेरिब्मुँ।

भजनमैं 38:22

ओ याहवेह, ङलाइ जोगेमिंबै परमेश्‍वर, ङ ल्होबर युनन् युमिंन्!

भजनमैं 55:23

दिलेया ओ परमेश्‍वर, क्हिजी दुष्‍टमैं नास तबै होंल्दोंर भ्योंवाब्मुँ; म्हि सैब्मैं नेरो छलु म्हिलु लब्मैं आधा बैंसर्न सियाब्मुँ। दिलेया ङइ बिस्याँ क्हिए फिर्न भर थेंइमुँ।

भजनमैं 68:20

ङ्योए परमेश्‍वर जोगेमिंबै परमेश्‍वर ग। याहवेह ङ्योए प्रभु ग, खीजीन् ङ्योलाइ सिबउँइले सोगों लमिंम्।

भजनमैं 88:1

ओ याहवेह, ङलाइ जोगेमिंबै परमेश्‍वर; ङइ त्हिंयाँ म्हुँइँस क्हिने ग्वार ह्रिइमुँ;

चेला चिब्मैंए केमैं 18:6

दिलेया यहूदीमैंइ पावलए बिरोध लसि आछ्याँबै ताँमै पोंसि पावल स्यारबर होंइ। छतमा पावलइ ह्रोंसए क्वें खारसि चमैंने बिइ, “क्‍हेमैं नास तइबिस्‍याँ क्हेमैंए दोषइ लबर्न नास तब्मुँ, च दोष ङलाइ आल्‍हैदि। तारे पिरु ङ अरू ह्रेंमैं ङाँर ह्‍याब्मुँ।”

चेला चिब्मैंए केमैं 20:26

छतसि तिंयाँन् ङइ क्हेमैंने ग्वाइ पिंसि बिमुँ, क्हेमैं न्होंरि खाबै या नर्गर फेस्‍याँ ङ चए दोषि तरिब् आरे।

रोमी 10:3

परमेश्‍वरजी म्हिलाइ खैले ठिक ठर्दिमुँ बिब चमैंइ वास्ता आल, बरु चमैंइ ह्रोंसइ लबै धर्म-कर्मइ परमेश्‍वरए उँइँरि ठिक ठर्दिल् म्‍हैइ। छतमा चमैं परमेश्‍वरए उँइँर ठिक ठर्दिबै घ्याँर प्रल् आङिं।