भजनमैं 51:10 - परमेश्‍वरए ताँ तमु क्युइर

¹⁰ ओ परमेश्‍वर, ङए खों छ्याँब लमिंन्, धै ङलाइ ठिक सैं पिंन्।

भजनमैं 51:10 ပူးပေါင်းရင်းမြစ်များ

भजनमैं 24:4

आछ्याँबै केमैं आलब्मैं, छ्याँबै सैं प्ह्‍याब्मैं, कु ङाँइ सैं आल्हैदिब्मैं धै स्योलिबै ताँर कसम आचब्मैंन्, याहवेहए कोंर क्रेल् खाँम्।

भजनमैं 35:10

“ओ याहवेह, क्हि धों तब खाब् मुँ? क्हिजी भों आरेब्मैंलाइ ह्रोंस भन्दा भोंबै म्हिमैंउँइँले जोगेमिंम्, छले भों आरेब्मैं नेरो आयों आख्युब्मैंलाइ ह्रुगिदिबै म्हिमैंउँइँले क्हिजी चमैंलाइ जोगेमिंम्,” बिसि ङए ताँन् ज्यु नेरो सैंइ बिप्रम्।

भजनमैं 73:1

क्ह्रोंसेंन इस्राएलए ल्हागिर, छ्याँबै सैं प्ह्‍याब्मैंए ल्हागिर, परमेश्‍वर स्वाब मुँ।

भजनमैं 78:37

चमैंए खोंइ खीए फिर भर आलल; खीजी फैबै बाछा चमैंइ फुवाल।

भजनमैं 78:8

ह्रोंसए खेबाज्युमैंइ लब् धोंले सैं सारो नेरो बिब् आङिंबै पुस्तामैं चमैं आतरिगे। चमैंए खेबाज्युमैंइ परमेश्‍वरए फिर भर आम्हाँदिमल, चमैंइ खीए फिर बिश्‍वास आलमल।

हितोपदेश 20:9

“ङए सैं छ्याँब मुँ; ङइ आछ्याँबै केमैं आलइमुँ, ङने पाप आरे,” बिसि खाबइ बिल् खाँमुँ?

मत्ती 5:8

छ्याँबै सैं प्‍ह्‍याब्‍मैंइ आशिक योंब्मुँ, तलेबिस्याँ चमैंइ परमेश्‍वर म्रोंल् योंब्‍मुँ।

चेला चिब्मैंए केमैं 11:23

झाइले बारनाबास चर खमा परमेश्‍वरए आशिक नेरो दयाम्हाँया चमैंए फिर तब् म्रोंसि सैं तोंइ, धै चमैं ताँनने “खों न्होंउँइँलेन् प्रभुए फिर क्ह्रोंसेंन्ले बिश्‍वास लसि खी आपिल्‍ले टिरिल् त्हुम्,” बिसि चमैंए सैं भोंमिंइ।

चेला चिब्मैंए केमैं 15:9

खीजी यहूदी नेरो अरू ह्रेंर्बै म्हिमैंए न्होंरि तोइ सैरै या आफेल। चमैंइ येशूए फिर बिश्‍वास लबइले परमेश्‍वरजी चमैंए आछ्याँबै के क्षमा पिंसि चमैंए सैं या शुद्ध लमिंइ।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

१ कोरिन्थी 15:58

छतसि ओ ङइ खोबै अलि-अङाँमैं, क्हेमैं छाइ-छुइ आतल्‍ले भोंन्ले टिद्। खोंयोंन् बिलै प्रभुए के लरिद्। तलेबिस्याँ प्रभुए ल्हागिर लबै के फाक्‍कर्न आत बिबै ताँ क्‍हेमैंइ सेइमुँ।

२ कोरिन्थी 5:17

तलेबिस्याँ खाबइ ख्रीष्‍टए फिर बिश्‍वास लइमुँ च म्‍हि छारा तम्। ओंसोंबै आछ्याँबै सैमैं ताँन् म्हह्‍याइ, तोन्‍दोंरि सै छारा तयाल् खाँइमुँ।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

कलस्सी 3:10

छतसि छारा बानि योंसि तारे क्हेमैंइ छ्याँबै सैं प्ह्‍यासि छारा म्‍हिमैं तइमुँ। धै क्हेमैंइ खीलाइ छेनाले ङो सेरिगे बिसि परमेश्‍वरजी चु छाबै छारा म्हि बनेसि खी धोंबन् लमिंरिइमुँ।

तीतस 3:5

खीजीन् ङ्योलाइ जोगेमिंइ। ङ्योइ छ्याँबै के लसि छारा छ्ह योंब आङिं, बरु खीए दयाउँइँले पबित्र प्ल्हजी ङ्योलाइ पापउँइँले ख्रुमिंसि छारा छ्ह पिंसि, छारा लमिंइ।

याकूब 1:8

तलेबिस्याँ सैं ङ्हिंरि लबै म्हि तो सैरै या केर आफेब् तम्।

१ पत्रुस 1:22

क्‍हेमैंइ क्ह्रोंसेंन्बै परमेश्‍वर म्हाँदिसि ह्रोंसलाइ चोखो लबइले, ह्रोंसए आघें अलिलाइ आफेलनाले म्हाँया लद्, धै घ्रिइ घ्रिलाइ सैं न्होंउँइँलेन् म्हाँया लद्,