भजनमैं 50:3 - परमेश्‍वरए ताँ तमु क्युइर

³ ङ्योए परमेश्‍वर युसिन् मुँ, युसि खी च्याँले टिरिब् आरे; खीए ओंसों लुँबै मि मुँ, खीए कारर्ग्युले नाँ-खैंमैं मुँ।

भजनमैं 50:3 ပူးပေါင်းရင်းမြစ်များ

भजनमैं 48:14

छ लस्याँ “खोंयोंन् बिलै तरिबै ङ्योए परमेश्‍वर खीन् ग, धै खीजीन् ङ्योलाइ खोंयोंन् बिलै डोरेब्मुँ,” बिसि क्हेमैंइ लिउँइँबै पुस्ताने बिल् खाँब्मुँ।

भजनमैं 50:21

क्हिइ चु ताँन् आछ्याँबै केमैं लइमुँ दिलेया ङ तोइ आपोंन्ले टिइ; छतसि ङै या क्हि धोंन् तब्मुँ बिब क्हिए सैंर ङ्हाँमै। छ आङिं! ङइ क्हि हौदिब्मुँ धै क्हिइ खैबै केमैं लइमुँ बिब क्हिए ओंसोंन् ताँन् उँइँमिंब्मुँ।

भजनमैं 68:20

ङ्योए परमेश्‍वर जोगेमिंबै परमेश्‍वर ग। याहवेह ङ्योए प्रभु ग, खीजीन् ङ्योलाइ सिबउँइले सोगों लमिंम्।

भजनमैं 83:1

ओ परमेश्‍वर, क्हि आपोंल्‍ले आटिमिंन्! ओ परमेश्‍वर, तोइ आबिल्‍ले आटिमिंन्, के आलल्‍ले आटिमिंन्!

भजनमैं 96:13

तलेबिस्याँ खी युसिन् मुँ, पृथ्बीर मुँबै म्हिमैंए निसाफ लबर खी युसिन् मुँ। ह्‍युलर्बै म्हिमैंए निसाफ खीजी ठिकले लब्मुँ; धै खीजी ह्रेंमैंए निसाफ भर लल् खाँल्‍ले लब्मुँ।

प्रस्थान 19:18

याहवेह मि तसि चर युबइले सिनै कों मिखु-मिखुइ प्लिंयाँइ। मिए भट्टिउँइँले मिखु त्होंब् धोंलेन् मिखु त्होंमा कोंमैं बेल्‍ले त्हारबर होंइ।

मत्ती 3:12

सोंग्या टाबै नउलि खीए योर्न मुँ। खीजी ताँन् खालर्बै सोंग्या छेन्‍ले टाब्‍मुँ, धै खीए गहुँ धन्‍सारर खागु लब्मुँ, धै ताँन् पुइ खागु लसि खोंयोंइ आसिबै मिर ख्रोंवाब्‍मुँ।”

हिब्रू 12:29

तलेबिस्याँ ङ्योए परमेश्‍वर नास लवाबै मि ग।

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।

दर्शन 22:20

चु ताँन् ताँए ग्वाइ पिंबै प्रभु येशूजी “क्ह्रोंसेंन, ङ युनन् युसिन् मुँ,” बिइमुँ। आमेन! ओ प्रभु येशू, युनन् यु!