भजनमैं 5:9 - परमेश्‍वरए ताँ तमु क्युइर

⁹ चमैंए सुँइ क्ह्रोंसेंन्बै ताँ आपों; चमैंए खों आछ्याँबै सैमैंइ प्लिंइमुँ; चमैंए म्‍लोगो थोंथेंबै छगों ग; छतसि चमैंइ फिब्लो पार्दिसि पोंम्।

भजनमैं 5:9 ပူးပေါင်းရင်းမြစ်များ

भजनमैं 27:11

ओ याहवेह, क्हिए छ्याँबै घ्याँर प्रबर ङलाइ लोमिंन्। ङए शत्तुरमैं ल्हें मुँ, छतसि क्हिए छ्याँबै घ्याँर डोरेमिंन्।

भजनमैं 51:6

क्ह्रोंसेंन क्हिजी ङए खों छ्याँब् तरिगे ङ्हाँम्, छतसि क्हिजी ङए सैंर ज्ञान-बुद्धिए ताँमैं झोंमिंम्।

भजनमैं 52:2

क्हि फिब्लो पार्दिसि के लमुँ, छ्यारबै छुरिइ धोंले क्हिए लेइ नास लवाबै चाँजो लम्।

भजनमैं 62:4

चए थेबै पदउँइँले चलाइ क्युरु तवाबर चमैंइ मत्‍त्रे आछ्याँबै ताँ मैंरिम्। चमैं स्योलिबै ताँमैंर सैं तोंम्। चमैंए सुँइ आशिक पिंमुँ, सैं न्होंर बिस्याँ सराप पिंम्। तिस्याँदे मैंन्

भजनमैं 62:9

आयोब् आख्युब्मैं मुट्ठि घ्रि सो मत्‍त्रे ग, प्लब्मैं या तोइ केर आफे, तलेबिस्याँ पारर क्वेमा चमैं योंयाम्, चमैं ङ्हिंना-ङ्हिंन् मुट्ठि घ्रि सो मत्‍त्रे ग।

भजनमैं 64:6

म्हिमैंए सैं कति आछ्याँब् तमना, चमैंइ आगुए न्होह्रों लबै जाल रोमुँ, दिलेया “ङिइ ठिक चाँजोमैं लइमुँ,” बिम्।

भजनमैं 69:19

ङलाइ प्ह्रब, ङ फापिल् लब, नेरो ङए मिं ह्‍याब क्हिजी सेम्; ङए ताँन् शत्तुरमैं क्हिजी सेम्।

हितोपदेश 29:5

ह्रोंसए ङ्‍हेब्मैंने स्युइट्टले पोंबै म्हिइ ह्रोंसए प्हलेर्न जाल तिम्।

लूका 11:39

छतमा येशूजी चने बिइ, “क्‍हेमैं फरिसीमैं थलि प्‍हेलाए फि-फि छेन्‍ले म्याम्। दिलेया क्हेमैंए सैंर बिस्याँ आछ्याँबै ताँमैं नेरो लोबइ प्‍लिंइमुँ।”

लूका 11:44

“धिक्‍कार मुँ क्‍हेमैं सैं क्रोल् त्‍हुम्! क्‍हेमैं छ्यों म्ह्‍यों आयोंबै छगों धों तब् ग, ‘न्‍होंर सिनु मुँ’ बिब आसेसि म्हिमैं च‍ए फिफि प्रम्।”

रोमी 3:13

चमैंइ पोंबै ताँमैं छगोंर थेंसि सइ आउबै सिनुए थाँ धों तम्। चमैंए लेइ स्‍योलिबै ताँ मत्‍त्रे पोंम्, चमैंए ताँ प्‍हुरिए बिख धों तम्।

१ थेसलोनिकी 2:5

ङि क्हेमैं ङाँर खमा ङिइ फिब्लो पार्दिबै ताँमैं तोइ आपों बिसि क्हेमैइ सेइमुँ। धै ङिइ तोइ योंम् उ बिसि लोबै या आलल, चु ताँर परमेश्‍वर ङिए साक्षि मुँ।