भजनमैं 5:7 - परमेश्‍वरए ताँ तमु क्युइर

⁷ दिलेया ङ बिस्याँ क्हिए खोंयोंइ आनुबै म्हाँयाइ लमा क्हिए धिं न्होंर होंल् योंब्मुँ। मान लदै ङ पबित्र क्ल्ह्‍योउँइँ तोसि क्हिलाइ फ्योब्मुँ।

भजनमैं 5:7 ပူးပေါင်းရင်းမြစ်များ

भजनमैं 101:7

छलु म्हिलु लबै म्हि ङए धिंर टिल् योंरिब् आरे; स्योलिबै ताँ पोंबै म्हि ङए उँइँर टिल् योंरिब् आरे।

भजनमैं 130:4

दिलेया क्हिजी क्षमा पिंम्, छतसि ङइ क्हिलाइ मान लम्।

भजनमैं 132:7

“खी टिबै क्‍ल्‍ह्‍योर ङ्यो ह्‍याले; खीए प्हले म्हैबै क्ल्‍ह्‍योर ह्‍यासि खीए मिं क्वेले!”

भजनमैं 138:2

क्हिजी ह्रोंसए मिं नेरो क्हिए बाछामैं तोन्दोंरि सैमैंए फिर बेल्‍ले थेब लइमुँ। छतसि क्हिए पबित्र क्ल्ह्‍योउँइँ ङ तोसि क्हिलाइन फ्योब्मुँ, धै क्हि खोंयोंइ आनुबै म्हाँया लब नेरो ङइ भर लल् खाँबै परमेश्‍वर ग बिसि ङ क्हिए मिं थेब लब्मुँ।

भजनमैं 28:2

ल्होमिंन् बिसि क्हिनेन् ग्वार ह्रिमुँ, धै क्हिए ताँन् भन्दा पबित्र क्‍ल्‍ह्‍योउँइँ ङ ह्रोंसए यो क्वेमुँ, छतसि ङए ताँमैं थेमिंन्।

भजनमैं 34:17

ठिक के लब्मैंइ ग्वार ह्रिमा याहवेहजी थेमुँ धै चमैंए ताँन् दुःखउँइँले फ्रेमिंम्।

भजनमैं 51:1

ओ परमेश्‍वर, क्हिए खोंयोंइ आनुबै म्हाँयाइ ङए फिर ल्हयो खमिंन्। क्हिजी लबै थेबै म्हाँयाउँइँले ङए पापमैं त्होमिंन्।

भजनमैं 52:8

दिलेया ङ बिस्याँ परमेश्‍वरए धिंर मुँबै पिंक्यो भ्योंबै जैतुनए धुँ धोंन् तइमुँ, तलेबिस्याँ परमेश्‍वरए खोंयोंइ आनुबै म्हाँयार ङइ भर थेंइमुँ।

भजनमैं 55:16

दिलेया ङ परमेश्‍वरने बिन्ति लमुँ, धै याहवेहजी ङ जोगेमिंब्मुँ।

भजनमैं 69:13

दिलेया, ओ याहवेह, ङ क्हिनेन् प्राथना लम्। क्हिजी तोक्दिबै त्हेर, ओ परमेश्‍वर, क्हिए खोंयोंइ आनुबै म्हाँयाइ लमा क्हिजी खैलेबिलै ङलाइ जोगेमिंम् बिसि ज्वाफ् पिंन्।

भजनमैं 69:16

ओ याहवेह, क्हिए खोंयोंइ आनुबै म्हाँया थेब मुँ, छतसि ङ ज्वाफ पिंनु; क्हिजी थेबै ल्हयो खसि ङए वास्ता लमिंन्।

हितोपदेश 6:16

याहवेहजी आखोबै बानिमैं ङिग्लो मुँ, ङिउलो ताँमैं खीए उँइँर बेल्‍ले आछ्याँब मुँ:

हितोपदेश 6:17

ह्रिस खल्‍ले ङ्ह्‍योबै मि, स्योलिबै ताँ पोंबै ले, छ्याब आरेबै म्हि सैबै यो,

चेला चिब्मैंए केमैं 9:31

छले यहूदीया, गालील नेरो सामरियार्बै चर्चर शान्ति तइ धै चर्च भोंब् तइ। चमैंइ प्रभुलाइ म्हाँदिदै प्रमा पबित्र प्ल्हजी चमैंए सैंर भों पिंइ। छतमा प्रभुए फिर बिश्‍वास लब्मैं ल्हें ततै ह्‍याइ।

हिब्रू 4:16

छतसि ङ्योलाइ खाँचो तबै त्हेर खीए साहयता नेरो परमेश्‍वरए दयाम्हाँया योंल् खाँरिगे बिसि सैं भोंब् लसि दयाम्हाँया मुँबै परमेश्‍वरए ङाँर ङ्यो ह्‍याले।