भजनमैं 5:12 - परमेश्‍वरए ताँ तमु क्युइर

¹² तलेबिस्याँ ओ याहवेह, ठिक के लब्मैंलाइ क्हिजी आशिक पिंम्, ढालइ धोंले क्हिए म्हाँयाजी चमैं जोगेमिंब्मुँ।

भजनमैं 5:12 ပူးပေါင်းရင်းမြစ်များ

भजनमैं 112:1

याहवेहए मिं थेब लद्! याहवेहलाइ मान लब धै खीए ताँमैं सैं तोंदै म्हाँदिबै म्हिइ आशिक योंम्!

भजनमैं 115:13

याहवेहलाइ मान लब्मैं थेब च्योंब ताँनलाइ, खीजी आशिक पिंब्मुँ।

भजनमैं 118:15

“याहवेहए क्योलो योजी शक्‍तिए के लइमुँ,” बिसि ठिक के लब्मैंइ तम्बुर सैं तोंबै कै नेरो ट्होब कै तेम्।

भजनमैं 119:132

क्हिए मिं म्हाँया लब्मैंए फिर क्हिजी ल्हयो लब् धोंले ङए फिर दयाम्हाँया लसि ङ ङाँइ तोमिंन्।

भजनमैं 29:11

तोंन् तलेया याहवेहजी ह्रोंसए म्हिमैंए सैं ढुक्‍का लमिंम्। तलेबिस्याँ याहवेहजी ह्रोंसए म्हिमैंलाइ भों पिंम्।

भजनमैं 3:3

दिलेया ओ याहवेह, क्हि ङलाइ जोगेमिंबै ढाल ग, क्हिजी ङलाइ मान पिंम्, क्हिजी ङए क्र कैंडो लमिंम्।

भजनमैं 3:8

क्हिए आशिकए यो क्हिए म्हिमैंए फिर तरिगे; तलेबिस्याँ याहवेहजी ह्रोंसए म्हिमैं जोगेमिंम्। तिस्याँदे मैंन्

भजनमैं 32:10

दुष्‍ट म्हिमैंइ ल्हें दुःख योंल् त्हुब्मुँ, दिलेया याहवेहए फिर भर लब्मैंलाइ बिस्याँ खीजी खोंयोंइ आनुबै म्हाँया लसि रक्षा लमुँ।

भजनमैं 32:7

क्हिन् ङए लोइ टिबै क्‍ल्‍ह्‍यो ग, क्हिजी ङ दुःखउँइँले जोगेमिंइमुँ, छतसि ङलाइ जोगेमिंबै परमेश्‍वर क्हिन् ग बिसि सैं तोंदै क्वे प्रिंसि ङ क्हिए मिं क्वेब्मुँ। तिस्याँदे मैंन्

भजनमैं 68:4

परमेश्‍वरए मिंर क्वे प्रिंन्, खीए मिं थेब् लबै क्वे प्रिंन्; न्हाँम्स्योमैंए फिर क्रेसि स्युरबै परमेश्‍वरलाइ थेब् लद्; खीए मिं याहवेह ग; खीए उँइँर सैं तोंन्!

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।