भजनमैं 5:10 - परमेश्‍वरए ताँ तमु क्युइर

¹⁰ ओ परमेश्‍वर, चमैंए दोष उँइँमिंन्; ह्रोंसइ चुबै ङोर चमैं खेंमैंन् फेरिगे; चमैंइ ल्हें अपराधमैं लइमुँ, छतसि चमैं पिवाद्, तलेबिस्याँ चमैं क्हिए बिरोधर राइमुँ।

भजनमैं 5:10 ပူးပေါင်းရင်းမြစ်များ

एस्तर 7:10

म्रुँइ छबिमा मोर्दकैलाइ च्योब् बिसि क्योबै त्होर चमैंइ हामानलाइन च्योवाइ। च लिउँइँ बल्‍ल म्रुँए ह्रिस म्हइ।

भजनमैं 10:15

दुष्‍टमैं नेरो आछ्याँबै के लब्मैंइ तोइ लल् आखाँन् लवाद्; आछ्याँबै के लब् आपिंन् समा चमैंइ लबै केए दण्ड पिंन्।

भजनमैं 107:11

तलेबिस्याँ चमैंइ परमेश्‍वरजी पोंबै ताँमैं थोल, धै ताँन् भन्दा थेबै परमेश्‍वरजी पिंबै सल्‍ला तो धोंइ आङ्हाँल।

भजनमैं 17:13

ओ याहवेह, रेत्ति, चमैंने नेसि ट्होमिंन्। क्हिए सेलाँइ च दुष्‍टमैंउँइँले ङ जोगेमिंन्।

भजनमैं 31:18

स्योर ताँ पोंबै चमैंए म्हदेमैं म्रुयारिगे, तलेबिस्याँ चमैंइ थेब् प्हैंदै ठिक के लब्मैंए बिरोधर म्हि आच्हिल्‍ले पोंम्।

भजनमैं 35:26

ङए फिर दुःख तमा ङए बिल्‍लि लदै निस्योब्मैं ताँन् फापिल् त्हुरिगे धै खैलातोला तबर फेरिगे! “ङिम् च भन्दा थेब् ग,” बिसि प्हैंब्मैं या ताँन् लि उँइँलै आखाँल्‍ले फापिल् त्हुरिगे।

भजनमैं 55:15

थाइ आसेल्‍ले ङए शत्तुरमैं कालए सुँर फेरिगे; सोगोंन् चमैं क्रोंर ह्‍याल् त्हुरिगे; तलेबिस्याँ चमैंए सैंइ आछ्याँबै चाँजो मत्त्रे लम्।

भजनमैं 66:7

खीजी ह्रोंसए भोंइन खोंयोंन् बिलै ग्याल्स लरिम्, खीजी अरू ह्रेंमैंए फिर ङ्‍ह्‍योरिम्। छतसि खीए बिरोधर राब्मैं थेब् आप्हैंरिगे। तिस्याँदे मैंन्

भजनमैं 71:13

ङ छ्याब् ल्हैदिब्मैं फा पिसि मेब्रो तयारिगे; ङए न्होह्रों लल् म्हैब्मैं फापिन् तसि लि उँइँल् आखाँरिगे।

भजनमैं 79:12

ओ प्रभु, क्हिलाइ प्ह्रसि ङिए ङ्‍हेब् ट्हुब्मैंइ क्हिए मिं वाइमुँ, छतसि चए ङिखे गुणा खी चमैंने किंमिंन्।

१ कोरिन्थी 3:19

तलेबिस्याँ चु ह्‍युलउँइँले खबै बुद्धि परमेश्‍वरए उँइँर बुद्धि आरेब् धोंन् तब् ग। परमेश्‍वरए छ्वेर छले प्ह्रिइमुँ, “बुद्धि मुँब् प्हैंब्मैंलाइ चमैंइ स्योर तेसि के लरिबै त्हेर्न खीजी क्हावाब्मुँ।”