भजनमैं 49:6 - परमेश्‍वरए ताँ तमु क्युइर

⁶ प्लबै म्हिमैंइ खेंमैंए सै न्होरए फिर थेब् प्हैंसि ङलाइ म्हि आच्हिन् ललेया ङ ङ्हिंरिब् आरे।

भजनमैं 49:6 ပူးပေါင်းရင်းမြစ်များ

एस्तर 5:11

चमैं खबै लिउँइँ हामानइ ह्रोंसए सै न्होरमैं कति मुँ बिबै ताँ, च्ह-च्हमि कति मुँ बिबै ताँ नेरो के लब्मैंए न्होंर म्रुँइ चलाइ खैले ताँन् भन्दा थेबै पदर थेंमिंइ बिबै ताँ चमैंने बिइ।

भजनमैं 112:7

आछ्याँबै ताँमैं थेमा च आङ्हिं; चइ याहवेहए फिर भर लबइले चए सैं भोंब मुँ।

भजनमैं 112:8

चए सैं भोंब मुँ, छतसि च आङ्हिं, लिउँइँ शत्तुरमैं हार्दियाब चइ म्रोंब्मुँ।

भजनमैं 52:7

“ङ्ह्‍योत्ति! परमेश्‍वरए फिर भर आलबै म्हि! चुइ ह्रोंसने मुँबै ल्हें सै न्होरए फिर भर लइ, धै अरूमैं नास लवासि भोंब तइ।”

भजनमैं 56:5

त्हिंइतिमि चमैंइ ङइ पोंबै ताँमैंए उल्टो अर्थ ल्हैदिम्; चमैंइ खोंयोंन् बिलै ङए न्होह्रों लबै ल्हागिर चाँजोमैं लम्।

भजनमैं 56:7

ओ परमेश्‍वर, चमैंइ लबै आछ्याँबै केमैंए दण्ड चमैंलाइ पिंन्; क्हिए ह्रिसर चमैंलाइ क्हुरवाद्!

भजनमैं 62:10

धुदिबै केर भर आतद् धै ह्‍योबै सैर थेब् आप्हैंन्; क्हिए सै न्होर ल्हें तलेया चए फिर भर आथेंन्।

हितोपदेश 10:15

प्लबै म्हिए सै न्होर चए ल्हागिर भोंबै सहर ग; ङ्‍हाँदुमैं बिस्याँ दु:ख योंसि नास तयाम्।

हितोपदेश 11:28

ह्रोंसए सै न्होरए फिर भर लबै म्हि फापिल् त्हुम्, दिलेया ठिक के लबै म्हि पिङ्ग्या प्हो धोंले म्रौलेब्मुँ।

हितोपदेश 23:5

तिस्याँदे ल्हागिर सै न्होर योंम्; दिलेया नुयाम्, तलेबिस्याँ चल प्ह्‍यामैं प्ह्‍यामुँ धै क्रोवे धोंले मुउँइँ प्हुरयाम्।

मर्कूस 10:24

खीए ताँ थेसि चेलामैं प्लेटोयाइ। दिलेया येशूजी धबै चमैंने बिइ, “ओ ङए कोलोमैं, सै न्होरए फिर भर थेब्मैं परमेश्‍वरए ग्याल्सर होंब बेल्‍ले गारो मुँ।

लूका 12:19

झाइले ङइ ह्रोंसनेन् क्हिए ल्हागिर ल्‍हें बर्ष समा योबै रा-रोमैं मुँ। तारे पिरु चदु, थुँनु, धै मोज-मज्‍जा लसि सुखले टिद्,’ बिब्मुँ।

१ तिमोथी 6:17

चु ह्‍युलर्बै प्लबै म्हिमैंने थेब् आप्हैंन् बिद्, चमैं प्लब् आप्‍हैंरिगे, आटिक्‍दिबै सै न्होरर आशा आथेंरिगे, बरु चमैंए आशा ङ्योलाइ चैदिबै सैमैं तोन्दोंरि योल्‍ले ख्युल्‍ले पिंबै परमेश्‍वरए फिर थेंरिगे।