भजनमैं 49:4 - परमेश्‍वरए ताँ तमु क्युइर

⁴ ङ अहान् थेब्मुँ; बीणा ह्रादै ङइ च ताँए अर्थ खोल्दिमिंब्मुँ।

भजनमैं 49:4 ပူးပေါင်းရင်းမြစ်များ

भजनमैं 78:2

ङइ आहनउँइँले पोंब्मुँ, था आसेबै स्योंम्बै ताँमैं ङइ बिमिंब्मुँ।

हितोपदेश 1:6

चु ताँमैंउँइँले बुद्धि मुँब्मैंइ झोंबै अहानमैं, टोक्‍कमैं नेरो चमैंइ बिबै गैरु गैरु ताँए अर्थ या म्हिमैंइ क्होब्मुँ।

मत्ती 13:35

अगमबक्‍ताइ बिबै ताँ पूरा तबर येशूजी छले पोंइ। स्योंमन् च म्हिइ छले प्ह्रिल, “ङ चमैंने अहानउँइँले पोंब्‍मुँ। ह्‍युल केब् ओंनोंबै लोथेंबै ताँमैं ङइ बिमिंब्‍मुँ।”

लूका 12:3

छतसि क्‍हेमैंइ मिछु खैबर बिबै ताँमैं लिउँइँ त्‍हिंइर म्हिमैंइ थेब्‍मुँ। धिं न्‍होंर क्‍हेमैंइ सो कैले पोंबै ताँ या धिं प्हेंउँइँले खन्‍तोंदोंन् थेनेब्‍मुँ।”

२ कोरिन्थी 3:12

छतसि ङिल छाबै क्ह्रोंसेंन्बै आशा मुँबइले सैं तोंबै ताँ बिप्रमा थेबै भों खम्।