भजनमैं 49:10 - परमेश्‍वरए ताँ तमु क्युइर

¹⁰ तलेबिस्याँ बुद्धि मुँबै म्हिमैं या सिल् त्हुब, धै आमादुमैं नेरो आह्र आसेब्मैं ङ्हिंन-ङ्हिंन् सियामा सै न्होर अरूमैंए ल्हागिर्न वाथेंल् त्हुमन बिब ताँनइ म्रोंइमुँ।

भजनमैं 49:10 ပူးပေါင်းရင်းမြစ်များ

भजनमैं 17:14

ओ याहवेह, च म्हिमैंइ चु ह्‍युलर्बै सै मत्त्रे म्हैम्, क्हिए योजी च म्हिमैं ङाँइँले ङ जोगेमिंन्। क्हिजी खोबै म्हिमैंलाइ बिस्याँ, क्हिजी चल् पिंम्, चमैंए च्ह-च्हमिमैंए ल्हागिरै या तोन्दोंरि योल्‍ले-ख्युल्‍ले पिंमुँ, धै खेंमैंए प्हसेमैंए ल्हागिर चमैंइ ल्हें सै न्होर साँथेंइमुँ।

भजनमैं 39:6

म्हिमैं छरि धोंलेन् म्हयाम्। म्हिमैंइ फाक्‍कर्बै केमैं लप्ररिम्! चइ ल्हें सै न्होर खागु लमुँ दिलेया च खाबल् तनेमुँ चइ आसे!

भजनमैं 49:17

तलेबिस्याँ च सियामा चइ तोइ बोल् खाँरिब् आरे; चइ योंबै मान इजेतै या चए लिलि छगोंर ह्‍यारिब् आरे।

भजनमैं 73:22

छतसि ङ च्हैंब् मैंल् आखाँब नेरो ताँ क्होल् आखाँब् मुँल; क्हिए उँइँर ङ खेदो धोंन् तब् मुँल।

भजनमैं 89:49

ओ प्रभु, क्हिजी लबै खोंयोंइ आनुबै ओंसोंबै म्हाँया खनिर ह्‍याइ? क्हिजी दाऊदने बालु म्हाँया लब्मुँ बिसि चबै कसम खनिर ह्‍याइ?

भजनमैं 94:8

ओ ङए म्हिमैंए न्होंर्बै च्हैंब् मैंब् लल् आखाँब्मैं, मैंन्दि! ओ मुर्खमैं, क्हेमैं खोंयों च्हैंब् मैंब् लल् खाँब्मैं तमुँ?

हितोपदेश 11:4

परमेश्‍वरजी ल्हयो आखल्‍ले निसाफ लबै त्हिंइर सै न्होरइ तोइ लल् आखाँ। दिलेया ठिक के लस्याँ कालउँइँले फ्रेमिंम्।

हितोपदेश 12:1

लोदा सैंदाए ताँमैं ङिंबै म्हिइ ज्ञान बुद्धिए घ्याँर प्रम्, दिलेया लोदा सैंदा लमा थेल् आङिंबै म्हि आमादु ग।

हितोपदेश 14:24

बुद्धि मुँबै म्हिए सै न्होर चमैंए मुकुट ग, दिलेया आमादुमैंइ अझै आमादु के मत्‍त्रे लम्।

हितोपदेश 30:2

म्हिमैंए न्होंर ताँ आक्होब ङन् ग; म्हिने मुँल् त्हुबै बुद्धि ङने आरे!

लूका 12:20

दिलेया चइ छले मैंरिमा परमेश्‍वरजी चने बिइ, ‘ओ आमादु! तिंयाँ म्‍हुँइँसर्न क्‍हि सिल् त्‍हुब्मुँ। तारे क्‍हिइ साँथेंबै सै न्होर खाबल् तब्मुँ?’”

हिब्रू 9:27

ताँन् म्‍हिमैं तिब्‍ले सिल् त्‍हुम्, धै सिबै लिउँइँ परमेश्‍वरजी लबै इन्‍साफर राल् त्‍हुम्।