भजनमैं 48:1 - परमेश्‍वरए ताँ तमु क्युइर

¹ याहवेह बेल्‍ले थेब मुँ, धै ङ्योए परमेश्‍वरए सहरर, खीए पबित्र कोंर, खी बेल्‍ले थब् लल् त्हुब मुँ!

भजनमैं 48:1 ပူးပေါင်းရင်းမြစ်များ

भजनमैं 145:3

याहवेह थेब मुँ, धै थेब् लसि म्हाँदिल् त्हुब मुँ, खी कति थेब मुँ बिसि खाबज्यै क्होल् आखाँ।

भजनमैं 147:5

ङ्योए प्रभु बेल्‍ले थेब नेरो भोंब मुँ, खीए बुद्धि च्हैंसे च्हैंल् आखाँब मुँ;

भजनमैं 2:6

“सियोन बिबै ङए पबित्र कोंर ङइ ह्रोंसए म्रुँ थेंइमुँ,” बिसि खीजी बिम्।

भजनमैं 30:1

ओ याहवेह, क्हिजी ङ गैरुउँइँले कैंडो तेमिंइ, धै ङ म्रोंसि ङए शत्तुरमैं निस्योल् आपिंइमुँ, छतसि ङ क्हिए मिं थेब् लब्मुँ।

भजनमैं 42:1

फोइ क्यु पिसि स्योंर्बै क्यु म्हैब् धोंले, ओ परमेश्‍वर, ङए सोज्यै या क्हिन् म्हैरिमुँ।

भजनमैं 46:1

ङ्योए लोबै क्‍ल्‍ह्‍यो नेरो भों पिंब परमेश्‍वरन् ग, दुःख तमा युन्लेन् ङ्योलाइ ल्होमिंब खीन् ग।

भजनमैं 46:4

स्यों घ्रि मुँ, च स्योंइ ताँन् भन्दा थेबै परमेश्‍वरए म्हिमैं टिबै सहर नेरो खी टिबै पबित्र क्ल्ह्‍यो सैं तोंल् लम्।

भजनमैं 47:8

ह्रें-ह्रेंमैंए फिर परमेश्‍वरजी ग्याल्स लमुँ; परमेश्‍वर ह्रोंसए पबित्र राजगद्दिर टिमुँ।

भजनमैं 65:1

ओ परमेश्‍वर, सियोनर ङिइ क्हिए मिं क्वेब्मुँ, छले क्हिने फैबै ताँन् भकलमैं ङिइ पूरा लब्मुँ।

भजनमैं 78:68

दिलेया यहूदाए कुल नेरो ह्रोंसजी खोबै सियोन कों खीजी त्हाँइ।

भजनमैं 86:10

तलेबिस्याँ क्हि बेल्‍ले थेब मुँ धै औदिबै केमैं लम्; घ्रि मत्‍त्रे परमेश्‍वर क्हि ग।

भजनमैं 87:1

याहवेहजी ह्रोंसए सहरए जग पबित्र कोंर झोंइमुँ।

भजनमैं 87:3

ओ परमेश्‍वरए सहर, क्हिए बारेर छ्याँब बयन लइमुँ। तिस्याँदे मैंन्

भजनमैं 96:4

तलेबिस्याँ याहवेह बेल्‍ले थेब मुँ, धै खीए मिं बेल्‍ले नुल्‍ले क्वेल् त्हुब मुँ; ताँन् देवतामैंल् भन्दा खीए मिं बेल्‍ले क्वेल् त्हुम्।

भजनमैं 99:9

ङ्योए याहवेह परमेश्‍वरए मिं थेब् लद्, धै खीए पबित्र कोंर खीए मिं क्वेद्; तलेबिस्याँ ङ्योए याहवेह परमेश्‍वर पबित्र मुँ।

मत्ती 24:15

“झाइले स्‍योंम्‍बै अगमबक्‍ता दानिएलइ बिब् धोंले नास लबै छेरान्दे ब्योंबै सै पबित्र क्ल्ह्‍योर क्‍हेमैंइ म्रोंब्‍मुँ। (म्हिइ चु ताँ खेसि क्‍होरिगे।)

हिब्रू 12:22

दिलेया क्हेमैंम् सियोन कोंर खइमुँ, सोगों परमेश्‍वरए सहरर, स्‍वर्गर्बै यरूशलेमर, च्योलै आखाँबै स्‍वर्गदूतमैं सैं तोंदै परमेश्‍वरए मिं क्वेबै क्ल्ह्‍योर,

दर्शन 19:5

झाइले राजगद्दिउँइँले छ बिबै कै थेइ, “ओ परमेश्‍वरए के लब्मैं, ओ खीलाइ म्हाँदिब्मैं, ओ कोल्मैं नेरो चिब्मैं ङ्योए परमेश्‍वरए मिं क्वेद्।”

दर्शन 21:2

दिलेया छारा यरूशलेम, “परमेश्‍वरए पबित्र सहर” प्ह्रेंरोए ल्हागिर प्‍ह्रेंस्‍यो पैरेब् धोंले पैरिसि स्‍वर्गउँइँले युरिब ङइ म्रोंइ।