भजनमैं 47:9 - परमेश्‍वरए ताँ तमु क्युइर

⁹ अब्राहामए परमेश्‍वरए म्हिमैंने बालु अरू ह्रेंमैंए क्रथे मिंथेमैं खागु तइमुँ। तलेबिस्याँ पृथ्बीर्बै म्रुँमैं परमेश्‍वरए योर्न मुँ; खी बेल्‍ले थेब मुँ!

भजनमैं 47:9 ပူးပေါင်းရင်းမြစ်များ

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

भजनमैं 46:10

“च्याँले टिद्, धै ङ परमेश्‍वर ग बिसि सेद्। ह्रें-ह्रेंमैंए फिर ङ थेब् तब्मुँ, ताँन् ह्‍युलरै या ङन् थेब् तब्मुँ!” बिसि याहवेहजी बिम्।

भजनमैं 72:11

ताँन् म्रुँमैं चए उँइँर पदखु तब्मुँ, धै ताँन् ह्रेंमैंइ चए सेवा लब्मुँ!

भजनमैं 89:18

तलेबिस्याँ ढालइ धोंले ङिलाइ रक्षा लमिंबै म्हि याहवेहलन् ग, इस्राएलर्बै पबित्र परमेश्‍वरजी ङिलाइ ङिए म्रुँ पिंइमुँ।

भजनमैं 97:9

तलेबिस्याँ ओ याहवेह, ह्‍युलए फिर ताँन् भन्दा थेबै परमेश्‍वर क्हिन् म्रुँ ग; ताँन् देवतामैं भन्दा थेब क्हिन् मुँ।

प्रस्थान 3:15

परमेश्‍व‍रजी मोशाने चु ताँ या बिइ, “इस्राएलीमैंने बिद्, ‘याहवेह, क्हेमैंए खेमैं माँमैंए परमेश्‍वर अथवा अब्राहाम, इसहाक नेरो याकूबए परमेश्‍वरजी ङ क्हेमैं ङाँर कुलब् ग।’ ङए मिं खोंयोंन् बिलै याहवेह (अथवा ङ ङन् ग) बिब् तरिब्मुँ, धै ताँन् पुस्ता समा ङए मिंन् छले मैंरिगे।”

प्रस्थान 3:6

खीजी धबै बिइ, “ङ क्हिए खेमैं माँमैं अब्राहाम, इसहाक नेरो याकूबए परमेश्‍वर ग।” छबिमा मोशाइ परमेश्‍वरलाइ ङ्‍ह्‍योब ङ्हिंसि ह्रोंसए लि हुइ।

हितोपदेश 30:5

परमेश्‍वरए ताँ छ्याब आरेब मुँ; खीए प्हलेर खब्मैं ताँनल खी ढाल ग।

मत्ती 22:32

‘ङ अब्राहाम, इसहाक नेरो याकूबए परमेश्‍वर ग।’ परमेश्‍वर सियाबै म्‍हिमैंए परमेश्‍वर आङिं, सोगोंमैंए परमेश्‍वर ग।”

रोमी 11:25

ओ अरू ह्रेंर्बै अलि-अङाँमैं, क्‍हेमैं थेब आप्हैंरिगे बिसि क्हेमैंइ चु खास ताँ घ्रि क्होल् त्हुम्: परमेश्‍वरजी त्‍हाँबै अरू ह्रेंर्बै ताँन् म्‍हिमैंइ येशू ख्रीष्‍टए फिर बिश्‍वास आलन् समा मत्‍त्रे यहूदीमैंइ सैं सारो लब्मुँ।

गलाती 3:29

छले क्‍हेमैं ख्रीष्‍टने घ्रिन् तबइले क्‍हेमैं अब्राहामए सन्‍तान ग। छतसि परमेश्‍वरजी अब्राहामने बाछा फैसि पिंम् बिबै आशिकए हकवालामैं क्‍हेमैंन् ग।