भजनमैं 47:8 - परमेश्‍वरए ताँ तमु क्युइर

⁸ ह्रें-ह्रेंमैंए फिर परमेश्‍वरजी ग्याल्स लमुँ; परमेश्‍वर ह्रोंसए पबित्र राजगद्दिर टिमुँ।

भजनमैं 47:8 ပူးပေါင်းရင်းမြစ်များ

भजनमैं 110:6

खीजी ह्रें-ह्रेंमैंए निसाफ लमा ल्हें सिनुमैं खागु लब्मुँ; धै पृथ्बी तिगोंर्बै म्रुँमैं त्हुलफुँ लवाब्मुँ।

भजनमैं 48:1

याहवेह बेल्‍ले थेब मुँ, धै ङ्योए परमेश्‍वरए सहरर, खीए पबित्र कोंर, खी बेल्‍ले थब् लल् त्हुब मुँ!

भजनमैं 89:14

ठिक के नेरो ठिक निसाफ लसि क्हिजी ग्याल्स लम्; क्हिजी खोंयोंन् आनुबै म्हाँया नेरो भर लल् खाँबै के लम्।

भजनमैं 9:4

तलेबिस्याँ राजगद्दिर क्हुँसि क्हिजी ठिक निसाफ लइमुँ धै ङइ योंल् त्हुबै सैमैं ङलाइ पिंइमुँ।

भजनमैं 93:1

याहवेहजी ग्याल्स लमुँ! म्रुँइ खिब् धों तबै क्वें खीजी खिम्, फगि खिसि भों खब् धोंले याहवेह बेल्‍ले शक्‍ति मुँब मुँ। पृथ्बीए तें बेल्‍ले भोंब् मुँ, च खोंयोंइ छाइ-छुइ तरिब् आरे।

भजनमैं 94:20

दुष्‍ट क्रथे मिंथेमैं क्हिने बालु क्ह्रिल् खाँम्‍मा? ह्रोंसइ बनेबै निसाफमैंउँइँले चमैंइ अनिया लम्।

भजनमैं 96:10

“याहवेहजी ग्याल्स लम्! खीजीम् पृथ्‍बी भोंब् लसि थेंमिंइमुँ, छतसि चलाइ लाल् आखाँ; खीजी खाबलाज्यै आफेलल्‍ले ताँन् म्हिमैंए निसाफ लब्मुँ,” बिसि अरू ह्रेंमैंए म्हाँजोर बिद्!

भजनमैं 97:1

याहवेहजी ग्याल्स लम्, पृथ्‍बी सैं तोंरिगे; मा ङ्युँइर्बै कोंमैं सैं तोंरिगे!

भजनमैं 99:1

याहवेहजी ग्याल्स लम्; छतसि ह्रें-ह्रेंमैं त्हाररिगे! करूबमैंए म्हाँजोर खी क्हुँम्; पृथ्बी लारिगे!

भजनमैं 99:2

सियोनर याहवेह थेब मुँ; ताँन् ह्रेंमैंए फिर खी बेल्‍ले थेब मुँ।

हिब्रू 4:16

छतसि ङ्योलाइ खाँचो तबै त्हेर खीए साहयता नेरो परमेश्‍वरए दयाम्हाँया योंल् खाँरिगे बिसि सैं भोंब् लसि दयाम्हाँया मुँबै परमेश्‍वरए ङाँर ङ्यो ह्‍याले।

दर्शन 19:6

च लिउँइँ ङइ धबै कै थेइ। च कै म्‍हि हुलए कै धों तब, क्‍यु छारेए कै धों तब नेरो मु ङ्‌हेब् धों तब मुँल। च कैइ बिइ, “परमेश्‍वरए मिं थेब तरिगे! तलेबिस्याँ याहवेह ङ्योए परमेश्‍वर, ताँन् भन्दा थेबै शक्‍ति मुँबै परमेश्‍वर ग, खीजी ताँन् सैए फिर ग्याल्स लम्।

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।