भजनमैं 47:5 - परमेश्‍वरए ताँ तमु क्युइर

⁵ परमेश्‍वर कैंडो ह्‍यारिमा म्हिमैंइ बेल्‍ले सैं तोंदै खीए मिं क्वेइमुँ, छले याहवेह कैंडो ह्‍यामा चमैंइ थुतुरु या ह्राइ।

भजनमैं 47:5 ပူးပေါင်းရင်းမြစ်များ

भजनमैं 150:3

क्युए रु ह्रासि खीए मिं क्वेद्; बीणा नेरो सारङ्गी ह्रासि खीए मिं क्वेद्!

भजनमैं 68:33

खी स्योंम् ओंनोंन् स्वर्गर स्युरम्; मु ङ्‍हेब् धोंले खी ह्रोंसए कै तेम्।

भजनमैं 78:65

लिउँइँ न्हरुउँइँले छोरब् धोंले याहवेह छोरइ, अँगुरए प्हाइ पिब् धोंले खी छोरइ।

भजनमैं 81:3

ङ्योए थेबै चाड सुरु लबर औंसि नेरो पूर्नेर क्यु साँडेए रूँए थुतुरु ह्राद्।

भजनमैं 98:6

थुतुरु नेरो क्युए रु ह्रादै याहवेह म्रुँए उँइँर सैं तोंदै कै तेसि ओरद्।

१ कोरिन्थी 15:52

तलेबिस्याँ आखिरि थुतुरु ह्राबै त्हेर खीजी ओंसों सियाब्‍मैं खोंयोंइ या आसिबै छ्ह पिंसि सोगों लमिंब्‍मुँ, झाइले ङ्यो ताँनए ज्यु या फेर्दिवाब्‍मुँ।

१ थेसलोनिकी 4:16

तलेबिस्याँ च त्हिंइर परमेश्‍वरजी हुकुम पिंब्‍मुँ, खीए चिब स्‍वर्गदूतइ कै तेब्‍मुँ, परमेश्‍वरए थुतुरु ह्रासि प्रभु येशू खीन् स्वर्गउँइँले युब्‍मुँ, धै खीए फिर बिश्‍वास लसि सियाब्मैं धबै ओंसोंन् सोगों तब्‍मुँ।

१ तिमोथी 3:16

येशू ख्रीष्‍टए बारेर परमेश्‍वरजी उँइँमिंबै ताँमैं कति थेब मुँ बिसि ङ्योइ क्ह्रोंसेंन्ले थहा सेसि बिम्: येशू ख्रीष्‍ट म्‍हिए क्हो किंसि चु ह्‍युलर युइ, पबित्र प्ल्हउँइँले खी ठिक ठर्दिइ, स्वर्गदूतमैंइ खीलाइ म्रोंइ, ह्रें ह्रेंर्बै म्‍हिमैंए म्हाँजोर खीए बारेर्बै ताँ म्हिमैंइ बिप्रइ, ताँन् ह्‍युलर्बै म्‍हिमैंइ खीए फिर बिश्‍वास लइ, झाइले थेबै मानले खी स्‍वर्गउँइँ क्वेयाइ।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।