भजनमैं 47:3 - परमेश्‍वरए ताँ तमु क्युइर

³ खीजी ह्रें-ह्रेंर्बै म्हिमैं ङिए न्होंर पखइ, धै म्हिमैंलाइ ङिए प्हले न्होंर लमिंइ।

भजनमैं 47:3 ပူးပေါင်းရင်းမြစ်များ

भजनमैं 110:1

“ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइँ टिद्,” बिसि याहवेहजी ङए प्रभुने बिइमुँ।

भजनमैं 18:47

ङए शत्तुरमैंने खि किंब नेरो म्हिमैंलाइ ङए न्होंर थेंमिंब परमेश्‍वरन् ग।

भजनमैं 66:5

खो, परमेश्‍वरजी लबै केमैं ङ्‍ह्‍योद्, म्हिमैंए ल्हागिर खीजी लबै केमैं औदिले छ्याँब् मुँ!

भजनमैं 81:14

छतस्याँ चमैंए शत्तुरमैंलाइ ङइ युनन् ट्होवामल, धै चमैंलाइ दुःख पिंब्मैंए बिरोधर ङए यो रेमल!

भजनमैं 95:3

तलेबिस्याँ याहवेह बेल्‍ले थेबै परमेश्‍वर ग, ताँन् देवतामैंए फिर्बै थेबै म्रुँ खीन् ग।

भजनमैं 99:2

सियोनर याहवेह थेब मुँ; ताँन् ह्रेंमैंए फिर खी बेल्‍ले थेब मुँ।

१ कोरिन्थी 15:25

तलेबिस्याँ परमेश्‍वरजी खीए शत्तुरमैं ताँन् ट्होवासि ख्रीष्‍टए प्‍हले न्‍होंर आथेंन् समा ख्रीष्‍टजी ग्याल्स ललन् त्‍हुम्।

फिलिप्पी 3:21

च त्हेर खीजी ङ्योए केर आफेबै ज्युलाइ खील् धों तबै ज्यु लमिंब्मुँ। खीजी खैले ताँन् सैमैं खीए न्होंर थेंल् खाँमुँ, छलेन ङ्योए केर आफेबै ज्यु या फेर्दिवासि खील् धों तबन् लमिंब्‍मुँ।