भजनमैं 43:3 - परमेश्‍वरए ताँ तमु क्युइर

³ क्हिए क्ह्रोंसेंन्बै ताँमैं ङने बिमिंसि क्हिए चारबै ह्‍वे उँइँमिंन्; चमैंइन ङ डोरेरिगे; धै क्हिए पबित्र कोंर क्हि टिबै क्‍ल्‍ह्‍योर ङ फेनेल् योंरिगे।

भजनमैं 43:3 ပူးပေါင်းရင်းမြစ်များ

भजनमैं 119:105

क्हिए ताँ ङए प्हलेमैंए ल्हागिर बत्ति ग, धै ङ प्रल् त्हुबै घ्याँर ङलाइ डोरेबै ह्‍वे ग।

भजनमैं 143:10

क्हिए सैंर मैंब पूरा लबै ल्हागिर ङलाइ लोमिंनु, तलेबिस्याँ क्हि ङए परमेश्‍वर ग! क्हिए खों बेल्‍ले छ्याँब मुँ, छतसि ङलाइ छ्याँबै घ्याँर डोरेमिंनु!

भजनमैं 2:6

“सियोन बिबै ङए पबित्र कोंर ङइ ह्रोंसए म्रुँ थेंइमुँ,” बिसि खीजी बिम्।

भजनमैं 3:4

ङ थेबै कैले याहवेहने ग्वार ह्रिब्रें लमुँ, धै खीजी ह्रोंसए पबित्र कोंउँइँले ङलाइ ज्वाफ पिंमुँ। तिस्याँदे मैंन्

भजनमैं 36:9

तलेबिस्याँ क्हिउँइँलेन् म्हिमैंइ खोंयोंइ आखाँबै छ्ह योंमुँ, क्हि चारबै ह्‍वे ग, छतसि क्हिए छ्याँबै घ्याँर ङि प्रल् योंइमुँ।

भजनमैं 40:11

ओ याहवेह, ङए फिर खोंयोंन् बिलै ल्हयो खरिद्! क्हि भर थेंल् खाँबै परमेश्‍वर ग। क्हिजी ङलाइ खोंयोंन् बिलै म्हाँया लरिम्। छतसि ङलाइ जोगेमिंन्।

भजनमैं 42:4

सैं तोंदै धन्यबाद पिंबै म्हिमैंए चिब ङ तल। छतसि परमेश्‍वरए मिं क्वेबर ह्‍याबै ल्हें म्हिमैंने क्ह्रिसि ङइ चमैंलाइ परमेश्‍वरए धिंउँइँ बोब्रें लमल। चु ताँमैं मैंरिमा ङए सैं बेल्‍ले नम्।

भजनमैं 46:4

स्यों घ्रि मुँ, च स्योंइ ताँन् भन्दा थेबै परमेश्‍वरए म्हिमैं टिबै सहर नेरो खी टिबै पबित्र क्ल्ह्‍यो सैं तोंल् लम्।

भजनमैं 57:3

खीजी स्वर्गउँइँलेन् ङलाइ जोगेमिंब्मुँ; ङलाइ ह्रुगुदिब्मैंलाइ खीजी हौदिब्मुँ। तिस्याँदे मैंन् छले खीजी खीए खोंयोंइ आनुबै म्हाँया नेरो खी भर लल् खाँबै परमेश्‍वर ग बिबै ताँ ङलाइ उँइँमिंब्मुँ।

भजनमैं 57:4

ङ सिंहमैं धों तबै म्हिमैंए म्हाँजोर मुँ; म्हिलाइ नास लबै खेदोमैंने ङ टिल् त्हुइमुँ। चुमैंए स बर्षा नेरो मे धों तब मुँ, चुमैंए ले बेल्‍ले छ्यारबै क्होज धों तब मुँ।

भजनमैं 78:68

दिलेया यहूदाए कुल नेरो ह्रोंसजी खोबै सियोन कों खीजी त्हाँइ।

भजनमैं 84:1

ओ स्वर्गर्बै सेनामैंए चिब याहवेह, क्हि टिबै क्‍ल्‍ह्‍यो कति छ्याँब मुँ!

भजनमैं 97:11

ठिक के लब्मैंए फिर परमेश्‍वरए ह्‍वे चारम्, धै छ्याँबै खों प्ह्‍याब्मैं सैं तोंल् योंब्मुँ।

यूहन्‍ना 1:17

स्‍योंम्‍बै मोशालाइ परमेश्‍वरजी खीए ठिम पिंइ, दिलेया येशू ख्रीष्‍टउँइँले क्‍ह्रोंसेंन्‍बै ताँ नेरो बेल्‍ले थेबै दयाम्हाँया ङ्योइ योंइ।

यूहन्‍ना 1:4

खीने बालु खोंयोंइ आखाँबै छ्ह मुँल, च छ्ह म्हिमैंए चारबै ह्‍वे मुँल।