भजनमैं 43:1 - परमेश्‍वरए ताँ तमु क्युइर

¹ ओ परमेश्‍वर, ङने तोइ छ्याब् आरे बिमिंन्, धै क्हिजी बिब् आङिंबै ह्रेंमैंए बिरोधर ङए ख लसि पोंमिंन्, छलु म्हिलु लब्मैं नेरो दुष्‍ट म्हिमैंउँइँले ङलाइ जोगेमिंन्!

भजनमैं 43:1 ပူးပေါင်းရင်းမြစ်များ

भजनमैं 140:5

थेब् प्हैंबै म्हिमैंइ ङए ल्हागिर ङो चुइमुँ, चमैंइ ह्रोंसए जालए छो च्योइमुँ, धै ङ प्रबै घ्याँर ङो चुइमुँ। तिस्याँदे मैंन्

भजनमैं 26:1

ओ याहवेह, ङने तोइ छ्याब् आरे बिसि उँइँमिंन्, तलेबिस्याँ ङइ छ्याब् खबै केमैं आलइमुँ, धै ङइ तिफुँइ छाइ-छुइ आतल्‍ले क्हिए फिर्न भर लइमुँ।

भजनमैं 35:1

ओ याहवेह, ङए बिरोध लब्मैंए बिरोध लमिंन्; ङने नेखब्मैंने क्हिन् नेमिंन्!

भजनमैं 35:24

ओ ङए याहवेह परमेश्‍वर, क्हि ठिक निसाफ लबै परमेश्‍वर ग। छतसि ङलाइ तोइ दोष आरेब ठर्दिमिंन्, धै ङए बिरोधर पोंबै म्हिमैं सैं तोंल् आयोंरिगे!

भजनमैं 5:6

स्योर तेसि पोंब्मैं क्हिजी नास लम्; म्हि सैब्मैं नेरो लुब्मैंने याहवेह छेरम्।

भजनमैं 54:3

तलेबिस्याँ स्याँमैंइ ङए न्होह्रों लम्; ल्हयो आखब्मैंइ ङलाइ सैल् म्हैइमुँ; चमैंइ खोंयोंइ परमेश्‍वरलाइ आमैं। तिस्याँदे मैंन्

भजनमैं 7:7

ह्रें-ह्रेंमैं क्हिए कारग्यु तरिगे, धै नुबै क्ल्ह्‍योउँइँले चमैंए फिर ग्याल्स लद्।

भजनमैं 7:8

याहवेहजी ताँन् ह्रेंमैंए फिर निसाफ लब्मुँ। ओ याहवेह, ङइ लबै ठिक के अनुसार्बै नेरो ङने तोइ छ्याब् आरेब अनुसार्बै ङए ठिक निसाफ लमिंन्।

भजनमैं 7:9

ओ ठिक निसाफ लबै परमेश्‍वर, सैं नेरो खों खैतब मुँ बिसि क्हिजी ङ्‍ह्‍योम्। दुष्‍ट म्हिमैंइ लबै आछ्याँबै केमैं सदसुदुले म्हवाद्, दिलेया ठिक के लब्मैं भोंब लमिंन्।

भजनमैं 71:4

ओ ङए परमेश्‍वर, दुष्‍टए योमैंउँइँले ङ फ्रेमिंन्, दयाम्हाँया आरेबै अनिया लबै म्हिउँइँले ङ जोगेमिंन्।

भजनमैं 75:7

दिलेया परमेश्‍वरजीन् निसाफ लमा घ्रिलाइ च्योंब लमुँ, घ्रिलाइ थेब लमुँ।

हितोपदेश 22:23

तलेबिस्याँ याहवेहजीन् चमैंए मुद्दा नेमिंब्मुँ, धै चमैंलाइ लुडिब्मैंलाइ याहवेहजी लुडिब्मुँ।

हितोपदेश 23:11

तलेबिस्याँ चमैंलाइ ल्होमिंबै परमेश्‍वर बेल्‍ले भोंब मुँ; क्हिए बिरोधर खीजी चमैंए मुद्दा नेमिंब्मुँ।

१ कोरिन्थी 4:4

तलेबिस्याँ ङइ आछ्याँबै के तोइ आलइमुँ बिसि ङए सैंर मैंलेया ङ छ्याब् आरेब् तइ बिल् आखाँ। ङलाइ जाँच लब खाब् जा बिस्याँ प्रभुन् ग।

१ पत्रुस 2:23

खीए फिर म्हिमैंइ तब आतब बिसि खीए आब्रु वासेया खीजी चमैंने खि आकिं। खीए फिर दुःख पिंब्मैंलाज्यै या खीजी धम्कि आपिं। बरु छेनाले निसाफ लबै परमेश्‍वरए फिर खीजी भर थेंइ।