भजनमैं 42:9 - परमेश्‍वरए ताँ तमु क्युइर

⁹ ङए परमेश्‍वरने, ङ लोबै पाराने, ङइ बिम्: “क्हिजी तले ङ म्‍लेल? शत्तुरमैंइ क्र ओल् आपिंसि ङ तले न्हुँ लसि प्ररिल् त्हुइमुँ?”

भजनमैं 42:9 ပူးပေါင်းရင်းမြစ်များ

भजनमैं 13:1

ओ याहवेह, खोंयों समा क्हिजी ङ म्‍लेमुँ? क्हिजी खोंयोंइन म्‍लेवाम्‍मा? क्हिजी ह्रोंसए लि ङने खोंयों समा लोरिम्?

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 28:1

ओ याहवेह, ङ लोबै पारा, क्हिनेन् ङ ग्वार ह्रिमुँ, ङइ ग्वार ह्रिमा आथेब् धों आलमिंन्, क्हिजी ङए ताँ आथेमिंस्याँ, सिसि क्रोंर ह्‍याब्मैं धों ङ तब्मुँ।

भजनमैं 38:6

ङ कुरयासि त्हुलर्न क्हुरयाल् खाँइमुँ, छतसि शोकइ लमा ङ त्हिंतिमिंन् क्रो प्ररिल् त्हुइमुँ।

भजनमैं 43:2

तलेबिस्याँ, ओ परमेश्‍वर, क्हिए प्हलेर्न ङइ ग्वार योंम्। ङलाइ तले पिवाल? शत्तुरमैंए योर फेसि ङ तले क्रोप्ररिल् त्हुइमुँ?

भजनमैं 55:3

तलेबिस्याँ शत्तुरमैंइ ङलाइ थेबै कैले हौदिम्, धै दुष्‍टमैंइ ङलाइ क्र ओलै आपिं। चमैं ह्रिस खसि ङलाइ दुःख पिंम्; धै ङए फिर खैच्हिजिले पोंम्।

भजनमैं 62:2

खी मत्‍त्रे ङ रक्षा लमिंबै पारा, नेरो ङए किल्‍ला ग, छतसि ङ ङ्हिंसि त्हाररिब् आरे।

भजनमैं 77:9

परमेश्‍वरजी दयाम्हाँया लब म्‍लेयाइ वा? ह्रिस खसि तारे खीजी म्हाँया आल रो वा?” बिसि ङइ ङ्योएल। तिस्याँदे मैंन्

भजनमैं 78:35

परमेश्‍वर चमैंए रक्षा लमिंबै पारा ग, धै ताँन् भन्दा थेबै परमेश्‍वरजी चमैंलाइ जोगेमिंम् बिसि चमैंइ मैंइ।

भजनमैं 88:9

शोकइ लमा ङए मिइ छेनाले म्रोंल् आखाँ। ओ याहवेह, त्हिंइ ह्रोंसे ङ क्हिनेन् ग्वार ह्रिइमुँ; ङए यो क्हि ङाँइन स्योंइमुँ।

भजनमैं 92:3

झाइले तार च्यु मुँबै सारङ्गी नेरो बीणा ह्रादै क्हिए मिं क्वेब बेल्‍ले छ्याँबै ताँ ग।