भजनमैं 42:4 - परमेश्‍वरए ताँ तमु क्युइर

⁴ सैं तोंदै धन्यबाद पिंबै म्हिमैंए चिब ङ तल। छतसि परमेश्‍वरए मिं क्वेबर ह्‍याबै ल्हें म्हिमैंने क्ह्रिसि ङइ चमैंलाइ परमेश्‍वरए धिंउँइँ बोब्रें लमल। चु ताँमैं मैंरिमा ङए सैं बेल्‍ले नम्।

भजनमैं 42:4 ပူးပေါင်းရင်းမြစ်များ

भजनमैं 100:4

धन्यबाद पिंदै खीए तगरउँइँले न्होंर होंन्, धै खीए मिं क्वेदै खीए ह्‍युमैंर ह्‍याद्! धै खीए मिं थेब् लदै धन्यबाद पिंन्,

भजनमैं 102:10

धै मिग्लि कोंबै क्यु थुँइमुँ। तलेबिस्याँ क्हिजी ङलाइ क्वेसि तिराइ भ्योंवाइमुँ।

भजनमैं 115:2

“चमैंए परमेश्‍वर खनिर मुँ?” बिसि अरू ह्रेंमैंइ तले बिमुँ?

भजनमैं 122:1

“लु, ङ्यो याहवेहए धिंर ह्‍याले!” बिसि म्हिमैंइ ङने बिमा ङए सैं तोंइ।

भजनमैं 122:8

“क्हिए न्होंर शान्ति तरिगे!” बिसि ङए आघें-अलिमैं नेरो ङए थुमैंए ल्हागिर ङइ बिब्मुँ।

भजनमैं 55:14

म्हिमैंने बालु परमेश्‍वरए धिंर ह्‍यामा ङि ङ्हिंना-ङ्हिंनइन ह्रोंसए सैंर्बै ताँमैं घ्रिइ घ्रिने बिमल।

भजनमैं 62:8

छतसि ओ म्हिमैं, खोंयोंन् बिलै खीनेन् भर थेंन्; खीए ओंसों ह्रोंसए सैंर्बै ताँ बिद्; तलेबिस्याँ ङ्योए ग्वार ह्रिबै क्‍ल्‍ह्‍यो परमेश्‍वर ग। तिस्याँदे मैंन्

भजनमैं 79:10

“चमैंए परमेश्‍वर खनिर मुँ?” बिसि अरू ह्रेंमैंइ तले बिए? क्हिए के लब्मैंए बग्दिबै कोए खी क्हिजीन् किंम् बिसि अरू ह्रेंमैंइ सेरिगे! ङिज्यै या म्रोंरिगे!

भजनमैं 80:6

क्हिजी ङिए खागु टिबै ह्रेंमैं प्होंबर खल् पिंइमुँ, धै ङिए शत्तुरमैंइ ङिलाइ प्ह्रम्।

लूका 16:25

“दिलेया अब्राहामइ बिइ, ‘बाबु, क्‍हिइ मैंन्। क्‍हिए छ्हर छ्याँ-छ्याँबै सैमैं योंसि क्हिइ सुखले छ्ह थोइ। दिलेया लाजरसइ दुःखै दुःखर्न छ्ह थोइ। दुःख योंलेया चइ परमेश्‍वर मैंइ, क्हिइ बिस्याँ परमेश्‍वर खोंयोंइ आमैं, ङम् ङन् ग बिसि टिइ। छतसि तोगो लाजरसइ चुर सुख योंइमुँ, क्‍हिइ बिस्याँ चर दुःख योंइमुँ।

रूथ 1:21

ङ छुइले ह्‍यामा ङने तोन्दोरि मुँल, तोगो ङने तोइ आरे, याहवेहजी ङलाइ क्होत्तेन् एभइ। छतसि क्हेमैंइ ङने नाओमी आबिद्। याहवेह ङए बिरोदर मुँ, तान् भन्दा थेबै परमेश्‍वरजी ङए फिर थेबै दु:ख तल् पिंइमुँ।”