भजनमैं 41:2 - परमेश्‍वरए ताँ तमु क्युइर

² याहवेहजी चए रक्षा लब्मुँ, धै खोंयोंइ आखाँबै छ्ह पिंसि चलाइ जोगेमिंब्मुँ; च ह्‍युलर मुँमै या खीजी चलाइ आशिक पिंब्मुँ; धै चलाइ शत्तुरमैंए योर पिरिब् आरे।

भजनमैं 41:2 ပူးပေါင်းရင်းမြစ်များ

भजनमैं 27:12

शत्तुरमैंए योर ङलाइ आपिंमिंन्; तलेबिस्याँ ङए बिरोधर स्योर ताँ पोंब्मैं रेइमुँ, चमैं सैब् म्‍लोब् लब् बिसि प्रइमुँ।

भजनमैं 33:19

छतसि चमैंलाइ सोगों थेंबै ल्हागिर अँङ्गालरै या खीजी चमैंलाइ तोइ सैरै या खाँचो आलमिं।

भजनमैं 37:22

याहवेहउँइँले आशिक योंब्मैंइ ह्‍युलए फिर क्ल्हे लब्मुँ, दिलेया खीउँइँले सराब योंब्मैं बिस्याँ नास तयाब्मुँ।

हितोपदेश 11:17

आगुए फिर ल्हयो खबै म्हिल छ्याँब तम्, दिलेया दयाम्हाँया आरेबै म्हिलाइ दुःख तम्।

हितोपदेश 14:21

ह्रोंसए ङ्‍हेब्-ट्हुब्मैंलाइ हेल लबै म्हिइ पाप लम्, दिलेया आयोंब्-आख्युब्मैंए खाँचो टार्दिमिंबै म्हिइ आशिक योंम्।

हितोपदेश 19:17

आयो-आख्युब्मैंलाइ पिंब याहवेहलाइ खि पिंब् ग, धै खाबइ तो लइमुँ चए इनाम खीजी पिंब्मुँ।

हितोपदेश 31:20

ङ्हाँदुमैंए फिर ल्हयो खसि चइ चैदिबै सै पिंम्, धै आयों-आख्युब्मैंलाइ पिंब्रें लम्।

१ तिमोथी 4:8

तलेबिस्याँ ज्युए ल्हागिर लबै के तिस्याँदे मत्‍त्रे फायदा तम्। दिलेया परमेश्‍वरए घ्याँर प्रबै ल्हागिर तालिम लस्‍याँ ल्हें सैर फायदा तम्, तलेबिस्याँ चए रो चु छ्हर मत्‍त्रे आङिं अर्को छ्हरै या योंम्।

रूथ 2:19

धै स्युमिइ “तिंयाँ क्हि जौ सिलमैं खाबए म्रोंर खुल? क्हिलाइ ह्रोंसए म्रोंर सिलमैं म्हैल् पिंबै म्हिइ आशिक योंरिगे,” बिइ। छबिमा रूथइ “तिंयाँ ङइ जौ सिलमैं खुबै क्ल्ह्‍यो क्ल्हेए मिं बोअज मुँल,” बिसि ह्रोंसइ जौ सिलमैं खुबै क्ल्ह्‍यो क्ल्हेए बारेर चइ स्युमिने ताँ लइ।