भजनमैं 40:7 - परमेश्‍वरए ताँ तमु क्युइर

⁷ छतसि ङइ बिइ, “ङ चुर्न खइमुँ! ङइ तो-तो लल् त्हुडम् बिसि काउदए प्हैंर प्ह्रिथेंइमुँ।

भजनमैं 40:7 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

भजनमैं 50:9

दिलेया क्हिए धिंर्बै साँड्मैं नेरो क्हिए प्ह्रोंर्बै र बुग्यामैं ङलाइ आचैदि।

भजनमैं 51:18

क्हिए सैंर मैंब् धोंलेन् सियोनए फिर ल्हयो खमिंन्; यरूशलेमर्बै फुयाबै गारामैं धबै रुइमिंन्;

हितोपदेश 21:3

याहवेहए मिंर ख्रो पिंब् भन्दा छ्याँब नेरो ठिक के लब छ्याँब ग।

लूका 24:27

च लिउँइँ मोशा नेरो अगमबक्‍तामैंइ खीए बारेर प्‍ह्रिथेंबै ताँमैंए अर्थ खीजी चमैंलाइ क्होमिंइ।

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

यूहन्‍ना 5:39

“परमेश्‍वरए छ्वेर खोंयोंइ आखाँबै छ्ह योंम् बिसि क्‍हेमैंइ म्हैरिम्, ङए बारेर ग्वाइ पिंबम् परमेश्‍वरए छ्वे ग।

चेला चिब्मैंए केमैं 10:43

स्योंम्बै अगमबक्‍तामैंइ ‘खीए फिर बिश्‍वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”

दर्शन 19:10

स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।