भजनमैं 40:5 - परमेश्‍वरए ताँ तमु क्युइर

⁵ ओ याहवेह, ङए परमेश्‍वर, क्हिजी लबै औदिबै केमैं नेरो क्हिजी ङिए ल्हागिर लबै चाँजोमैं ल्हेंन् मुँ। क्हिजी लबै औदिबै केमैं ल्हेंन् मुँ, छतसि ङइ च केमैंए बयन लल् आखाँ। क्हि धों तब अरू खाबै आरे!

भजनमैं 40:5 ပူးပေါင်းရင်းမြစ်များ

भजनमैं 136:4

खीजी मत्‍त्रे औदिबै थेब-थेबै केमैं लम्। खीए म्हाँया खोंयोंन् बिलै तरिम्।

भजनमैं 139:6

क्हिए छाबै ज्ञान म्रोंसि ङ प्लेटोयाइमुँ, क्हिए ज्ञान क्होबर ङए ल्हागिर बेल्‍ले गारो मुँ।

भजनमैं 71:15

क्हिजी लबै ठिक केमैं नेरो क्हिजी ङ जोगेमिंबै बारेर त्हिंइतिमि ङए सुँइ पोंब्मुँ। दिलेया च केमैं कति मुँ बिब ङइ आसे।

भजनमैं 73:28

दिलेया परमेश्‍वरने चेंदो तरिब ङए ल्हागिर छ्याँब ग, याहवेह परमेश्‍वरए प्हलेर्न ङ ग्वार योंबर खइमुँ। छतसि क्हिए ताँन् केमैंए बयन ङइ लब्मुँ।

भजनमैं 92:5

ओ याहवेह, क्हिजी लबै केमैं कति थेब मुँ! क्हिए बिचारमैं कति गैरु मुँ!

प्रस्थान 11:8

झाइले मोशाइ म्रुँने बिइ, “क्हिए के लब्मैं ङ ङाँर खसि फ्योसि ‘क्हि नेरो क्हिए लिलि ल्हैदिबै ताँन् म्हिमैं त्होंह्‍याद्!’ बिब्मुँ। च लिउँइँ ङ त्होंह्‍याब्मुँ।” च्हौ बिसि मोशा बेल्‍ले ह्रिस खसि फारोउँइँले त्होंह्‍याइ।

प्रस्थान 15:11

“ओ याहवेह, देवतामैं न्होंर क्हि धों तब खाब् मुँ? बेल्‍ले पबित्र, बेल्‍ले मान लल् त्हुब, औदिबै के लबर क्हि धों तब खाब् मुँ?