भजनमैं 40:3 - परमेश्‍वरए ताँ तमु क्युइर

³ खीजी खीए मिंलाइ थेब् लबै ल्हागिर छारा क्वे घ्रि ङए सुँर थेंमिंइ, छतसि ङ्योए परमेश्‍वरए मिं थेब् लबै क्वे ङइ प्रिंइ, छाब् म्रोंसि म्हिमैं हार म्हाँदिसि ङ्हिंब्मुँ, धै याहवेहए फिर्न चमैंइ भर थेंब्मुँ।

भजनमैं 40:3 ပူးပေါင်းရင်းမြစ်များ

भजनमैं 119:133

क्हिजी फैबै बाछाइ बिब् धोंलेन् ङलाइ ठिक घ्याँर डोरेमिंन्, तोइ सैज्यै या ङलाइ पापर च्होवाल् आखाँरिगे।

भजनमैं 142:7

ङइ क्हिए मिं थेब् लल् खाँरिगे बिसि झेलर च्युब् धों तबै दुःखउँइँले ङ फ्रेमिंनु! छले क्हिजी ङए फिर छ्याँब् लब् म्रोंसि ठिक के लब्मैं ङए कारर्ग्युले खागु तखब्मुँ।

भजनमैं 144:9

ओ परमेश्‍वर, क्हिए ल्हागिर ङ छारा क्वे घ्रि प्रिंब्मुँ; तार च्यु प्ह्‍याबै सारङ्गी ह्रासि ङ क्हिए मिंर क्वे प्रिंब्मुँ,

भजनमैं 27:5

तलेबिस्याँ दुःख तमा खीजी खी टिबै क्‍ल्‍ह्‍योर ङलाइ जोगेसि थेंमिंब्मुँ, खीए पबित्र तम्बु न्होंर खीजी ङ लोसि थेंमिंब्मुँ, धै थेबै पाराए फिर खीजी ङ नुल्‍ले थेंमिंब्मुँ।

भजनमैं 33:3

खीए ल्हागिर छारा क्वे घ्रि प्रिंन्; जय जय लदै क्ह्‍युरल्‍ले बाजामैं ह्राद्।

भजनमैं 35:27

“चम् ठिक के लबै म्हि ग,” बिसि ङए बारेर छ्याँबै ताँ पोंब्मैं सैं तोंसि छिं ङ्हाँल् योंसि कै तेरिगे। “ह्रोंसए के लबै म्हिल बिब् धों पोंब् धों तब् म्रोंसि याहवेह सैं तोंइमुँ। छतसि खीए मिं थेब् तरिगे!” बिसि चमैंइ खोंयोंन् बिरिगे।

भजनमैं 37:23

म्हिइ लबै केमैं याहवेहजी खोइ बिस्याँ च प्रल् त्हुबै घ्याँर खीजीन् चलाइ डोरेम्।

भजनमैं 52:6

छलब् म्रोंसि ठिक के लब्मैं या ङ्हिंब्मुँ; धै निस्योसि चलाइ छ बिब्मुँ,

भजनमैं 69:3

ल्होमिंन् बिसि ओरन-ओरन ङ नारइमुँ; ङए म्‍लोंगो कारयाइमुँ। ङए परमेश्‍वरए घ्याँ ङ्ह्‍योन-ङ्ह्‍योन् ङ‍ए मि छेनाले म्रोंल् आखाँब् तइमुँ।

चेला चिब्मैंए केमैं 4:4

दिलेया चमैंए ताँ थेब्मैंए न्होंर ल्हें म्हिइ येशूए फिर बिश्‍वास लइ। खीए फिर बिश्‍वास लब्मैं योदा-अयोदा हजार ङ्‍हदे तल।

दर्शन 14:3

च लाख घ्रि से प्लिच्यु से प्लि हजार म्‍हिमैं राजगद्दिए ओंसों सो प्ह्‍याबै सै प्लि, नेरो ङ्हिस्युसे प्लि चिब्मैंए उँइँर रारिल। चमैंइ छारा भजन प्रिंमल, तलेबिस्याँ खीए ल्हागिर फुइ धों तरिगे बिसि पृथ्‍बीर्बै म्हिमैंए म्हाँजोउँइँले खीजी चुमैं त्हाँब् ग।