भजनमैं 40:11 - परमेश्‍वरए ताँ तमु क्युइर

¹¹ ओ याहवेह, ङए फिर खोंयोंन् बिलै ल्हयो खरिद्! क्हि भर थेंल् खाँबै परमेश्‍वर ग। क्हिजी ङलाइ खोंयोंन् बिलै म्हाँया लरिम्। छतसि ङलाइ जोगेमिंन्।

भजनमैं 40:11 ပူးပေါင်းရင်းမြစ်များ

भजनमैं 23:6

क्ह्रोंसेंन्ले क्हिए खोंयोंइ आनुबै म्हाँया नेरो आशिक ङए छ्ह तिगोंन् ङने प्रे तरिब्मुँ, धै ङ खोंयोंन् बिलै याहवेहए धिंर टिब्मुँ।

भजनमैं 43:3

क्हिए क्ह्रोंसेंन्बै ताँमैं ङने बिमिंसि क्हिए चारबै ह्‍वे उँइँमिंन्; चमैंइन ङ डोरेरिगे; धै क्हिए पबित्र कोंर क्हि टिबै क्‍ल्‍ह्‍योर ङ फेनेल् योंरिगे।

भजनमैं 57:3

खीजी स्वर्गउँइँलेन् ङलाइ जोगेमिंब्मुँ; ङलाइ ह्रुगुदिब्मैंलाइ खीजी हौदिब्मुँ। तिस्याँदे मैंन् छले खीजी खीए खोंयोंइ आनुबै म्हाँया नेरो खी भर लल् खाँबै परमेश्‍वर ग बिबै ताँ ङलाइ उँइँमिंब्मुँ।

भजनमैं 61:7

च परमेश्‍वरए ओंसों खोंयोंन् बिलै राजगद्दिर टिरिगे; क्हिजी खोंयोंइ आनुबै म्हाँया लबइले नेरो च क्हिए फिर भर लल् खाँबइले चए रक्षा लमिंन्!

भजनमैं 69:13

दिलेया, ओ याहवेह, ङ क्हिनेन् प्राथना लम्। क्हिजी तोक्दिबै त्हेर, ओ परमेश्‍वर, क्हिए खोंयोंइ आनुबै म्हाँयाइ लमा क्हिजी खैलेबिलै ङलाइ जोगेमिंम् बिसि ज्वाफ् पिंन्।

भजनमैं 69:16

ओ याहवेह, क्हिए खोंयोंइ आनुबै म्हाँया थेब मुँ, छतसि ङ ज्वाफ पिंनु; क्हिजी थेबै ल्हयो खसि ङए वास्ता लमिंन्।

भजनमैं 85:10

खोंयोंइ आनुबै म्हाँया लबै परमेश‍वर नेरो भर लल् खाँबै इस्राएलीमैं क्ह्रिइमुँ; परमेश्‍वरजी ठिक के लमा म्हिमैं छिं ङ्हाँल् योंम्। धै म्हिमैंइ परमेश्‍वरने म्हाँया लम्।

भजनमैं 89:2

“क्हिए आनुबै म्हाँया खोंयोंन् बिलै तरिब्मुँ; मु तरिब् धोंले क्हिए ताँ खोंयोंन् बिलै भर लल् खाँब लइमुँ,” बिसि ङ बिप्रब्मुँ।

हितोपदेश 20:28

म्रुँइ भर लल् खाँबै के नेरो जनतालाइ म्हाँया लस्याँ खोंयोन् बिले म्रुँ तल् योंम्।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।