भजनमैं 40:10 - परमेश्‍वरए ताँ तमु क्युइर

¹⁰ क्हिजी रक्षा लमिंम् बिबै सैं तोंबै ताँ ङइ ह्रोंसए खोंर लोइरि आथेंइमुँ, बरु क्हि जोगेमिंब नेरो भर लल् खाँब मुँ बिसि ङइ पोंइमुँ। क्ह्रोंसेंन्बै खोंयोंइ आनुबै म्हाँया लबै परमेश्‍वर क्हिन् ग बिसि ङइ थेबै म्हि च्होंर बिइमुँ।

भजनमैं 40:10 ပူးပေါင်းရင်းမြစ်များ

भजनमैं 22:26

ङ्हाँदुमैं चसि म्रेंब्मुँ, याहवेह म्हैब्मैंइ खीलाइन थेब् लब्मुँ। धै चमैं खोंयोंन् बिलै सोरिल् योंब्मुँ!

भजनमैं 25:10

खीजी फैबै बाछाए ताँमैं ङिंब्मैंलाइ याहवेहजी खोंयोंइ आनुबै म्हाँया लसि भर पर्दिल् खाँन्ले डोरेम्।

भजनमैं 34:6

दुःख योंबै म्हिइ याहवेहने ग्वार ह्रिमा खीजी चए ताँ थेमिंइ धै चए ताँन् दुःखउँइँले फ्रेमिंइ।

भजनमैं 75:9

दिलेया खीजी लबै थे-थेबै केमैंए बयन ङ खोंयोंन् बिले लब्मुँ; याकूबए परमेश्‍वरए मिं क्वेसि ङ क्वे प्रिंब्मुँ,

भजनमैं 89:1

याहवेहजी लबै खोंयोंइ आनुबै म्हाँयाए बारेर ङइ खोंयोंइ क्वे प्रिंब्मुँ; क्हि भर लल् खाँब मुँ बिसि ङइ ताँन् पुस्ता-पुस्ताने बिमिंब्मुँ।

लूका 3:6

छले ताँन् म्हिमैंइ परमेश्‍वरजी जोगेमिंमुँनामैं बिसि सेब्‍मुँ।’” छले यशैयाइ प्‍ह्रिथेंबै ताँ यूहन्‍ना खसि पूरा लइ।

यूहन्‍ना 1:17

स्‍योंम्‍बै मोशालाइ परमेश्‍वरजी खीए ठिम पिंइ, दिलेया येशू ख्रीष्‍टउँइँले क्‍ह्रोंसेंन्‍बै ताँ नेरो बेल्‍ले थेबै दयाम्हाँया ङ्योइ योंइ।

रोमी 10:3

परमेश्‍वरजी म्हिलाइ खैले ठिक ठर्दिमुँ बिब चमैंइ वास्ता आल, बरु चमैंइ ह्रोंसइ लबै धर्म-कर्मइ परमेश्‍वरए उँइँरि ठिक ठर्दिल् म्‍हैइ। छतमा चमैं परमेश्‍वरए उँइँर ठिक ठर्दिबै घ्याँर प्रल् आङिं।

फिलिप्पी 3:9

छतसि तारे ङ खीने बालुन् तदा ङ्हाँइमुँ। ह्रोंसइ लबै धर्मउँइँले, नेरो मोशाइ प्ह्रिबै ठिममैं म्हाँदिबइले ङ धर्मि तब आङि, बरु येशू ख्रीष्‍टए फिर बिश्‍वास लबइले ङ परमेश्‍वरए उँइँर ठिक ठर्दिइमुँ। छले ङ परमेश्‍वरउँइँले ठिक ठर्दिब् ग।

१ थेसलोनिकी 1:8

तलेबिस्याँ क्‍हेमैंउँइँले प्रभु येशूए बारेर्बै ताँ माकेडोनिया नेरो अखैया तिगोंन् फेइ। च मत्‍त्रे आङिं, क्हेमैंइ परमेश्‍वरए फिर बिश्‍वास लसि म्हाँदिबै ताँ खन्तोंदोंन् थेनेइमुँ। छतसि ङिइ म्‍हिमैंने त्‍होसि क्‍हेमैंए बारेर तोइ बिरिल् आत्‍हु।

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।

दर्शन 22:17

पबित्र प्ल्ह नेरो प्‍ह्रेंस्‍योइ खीने बिइमुँ, “यु”। चु ताँ थेबै म्हिमैंज्यै या छलेन खीने “यु” बिल् त्‍हुम्। क्‍यु पिब्मैं क्‍यु मूलर खरिगे। छ्ह पिंबै क्‍यु थुँदा ङ्हाँब्मैंइ छलेन् थुँरिगे।