भजनमैं 4:5 - परमेश्‍वरए ताँ तमु क्युइर

⁵ याहवेहजी खोबै ख्रो पिंन्, धै खीए फिर्न भर थेंन्।

भजनमैं 4:5 ပူးပေါင်းရင်းမြစ်များ

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 26:1

ओ याहवेह, ङने तोइ छ्याब् आरे बिसि उँइँमिंन्, तलेबिस्याँ ङइ छ्याब् खबै केमैं आलइमुँ, धै ङइ तिफुँइ छाइ-छुइ आतल्‍ले क्हिए फिर्न भर लइमुँ।

भजनमैं 37:3

छतसि याहवेहए फिर भर थेंनु, धै छ्याँबै केमैं लद्; क्हेमैं ह्‍युलर टिमा योब ख्युब तब्मुँ।

भजनमैं 50:14

बरु ङलाइ धन्यबाद पिंसि ङए मिं क्वेद्! चुन् पिंल् त्हुबै ख्रो ग। धै ताँन् भन्दा थेबै परमेश्‍वए मिंर लबै भकल पूरा लद्।

भजनमैं 51:19

धै क्हिए सैं तोंल् लबर म्हिमैंइ ठिक ख्रोमैं पिंखब्मुँ, मिर ख्रोंसि पिंबै ख्रोमैं नेरो अरू पिंल् त्हुबै ख्रोमैं म्हिमैंइ पिंब्मुँ, छले साँडेमैं क्हिए मिंर ख्रो पिंबै क्ल्ह्‍योर पखब्मुँ।

भजनमैं 62:8

छतसि ओ म्हिमैं, खोंयोंन् बिलै खीनेन् भर थेंन्; खीए ओंसों ह्रोंसए सैंर्बै ताँ बिद्; तलेबिस्याँ ङ्योए ग्वार ह्रिबै क्‍ल्‍ह्‍यो परमेश्‍वर ग। तिस्याँदे मैंन्

भजनमैं 77:7

“प्रभुजी ङ्योलाइ युगुर्लै वाथेंम् रो वा? खीजी धबै खोंयोंइ ङ्योए फिर ल्हयो आख रो वा?

मत्ती 5:23

छतसि क्‍हिइ भेटि पिंबै क्ल्ह्‍योर ह्‍यासि परमेश्‍वरए मिंर भेटि पिंबर होंमा क्हिए अलिने आक्ह्रिबै ताँ क्हिए सैंर मैंस्याँ

१ पत्रुस 4:19

छतसि परमेश्‍वरए सैंर मैंब् धोंबै दु:ख योंब्मैंइ छ्याँबै केन् लरिगे, धै तोन्दोंरि सै बनेबै भर लल् खाँबै परमेश्‍वरनेन् चमैंइ ह्रोंसए प्ल्ह सुम्पिदिरिगे।