भजनमैं 4:4 - परमेश्‍वरए ताँ तमु क्युइर

⁴ ङ्हिंसि त्हारद् धै पाप आलद्; क्ल्ह्‍योर रोमा ह्रों-ह्रोंसए खोंर चु ताँ मैंन्, धै च्याँ तद्। तिस्याँदे मैंन्

भजनमैं 4:4 ပူးပေါင်းရင်းမြစ်များ

भजनमैं 119:161

क्रथे मिंथेमैंइ तोन्-तोर्न ङलाइ ह्रुगुदिम्, दिलेया ङए सैं क्हिए ताँर्न तरिम्।

भजनमैं 17:6

ओ परमेश्‍वर, ङ क्हिनेन् प्राथना लम्, तलेबिस्याँ क्हिजी ङइ ह्रिबै सै पिंम्, क्हिए न्ह ङ ङाँइ तोमिंनु, धै ङइ बिबै ताँ थेमिंन्।

भजनमैं 2:11

ङ्हिंसि त्हारदै याहवेहए सेवा लद्, धै सैं तोंन्।

भजनमैं 3:2

“परमेश्‍वरजी चलाइ ल्होमिंरिब् आरे,” बिसि ङए बारेर ल्हें म्हिइ बिरिइमुँ। तिस्याँदे मैंन्

भजनमैं 3:4

ङ थेबै कैले याहवेहने ग्वार ह्रिब्रें लमुँ, धै खीजी ह्रोंसए पबित्र कोंउँइँले ङलाइ ज्वाफ पिंमुँ। तिस्याँदे मैंन्

भजनमैं 33:8

पृथ्बीर्बै ताँन् म्हिमैं याहवेह म्रोंसि ङ्हिंरिगे; ह्‍युलर टिबै ताँन् म्हिमैंइ खीलाइ म्हाँदिरिगे।

भजनमैं 46:10

“च्याँले टिद्, धै ङ परमेश्‍वर ग बिसि सेद्। ह्रें-ह्रेंमैंए फिर ङ थेब् तब्मुँ, ताँन् ह्‍युलरै या ङन् थेब् तब्मुँ!” बिसि याहवेहजी बिम्।

भजनमैं 63:6

रोबै क्‍ल्‍ह्‍योर ङइ क्हिलाइन मैंम्, धै म्हुँइँस तिमिंन् ङ क्हिलाइन मैंरिम्,

भजनमैं 77:6

म्हुँइँसर ङइ ह्रोंसए क्वेमैं मैंइ; तले जा बिसि ङइ सैंर मैंल। धै ङए सैंइ चु ताँमैं ङ्योलु-च्युलु लइ:

हितोपदेश 16:17

सोजो म्हिइ आछ्याँबै केमैं आल; आछ्याँबै के आलब्मैंइ छेनाले छ्ह थोल् खाँम्।

हितोपदेश 16:6

भर पर्दिल्‍ले छ्ह थोद्, धै परमेश्‍वरजी क्हिए पाप क्षमा लब्मुँ, धै याहवेहजी बिब् ङिंस्याँ क्हिला तोइ न्होंह्रो आत।

हितोपदेश 3:7

क्हि ह्रोंसन् ह्रब्-सेब् आप्हैंन्; याहवेहलाइ म्हाँदिद्, आछ्याँबै केमैं पिवाद्।

२ कोरिन्थी 13:5

क्‍हेमैं बिश्‍वासर भोंब मुँ उ आरे बिसि ह्रोंसए जाँच लद्। जाँचर फेल् आतस्याँ येशू ख्रीष्‍ट क्‍हेमैंने बालु तम् बिसि क्हेमैंइ सेल् त्हुम्।

एफिसी 4:26

ह्रिस खनाबिलेया पाप केमैं आलद्। ह्रिस खलेया त्हिंयाँ लिब् भन्दा ओंसोंन् क्हेमैंए ह्रिस म्हल् त्हुम्।