भजनमैं 4:3 - परमेश्‍वरए ताँ तमु क्युइर

³ दिलेया याहवेहजी खीजी बिब् ङिंब्मैंलाइ ह्रोंसए ल्हागिर स्यो लथेंइमुँ बिब क्हेमैंइ सेद्; ङइ ग्वार ह्रिमा याहवेहजी थेब्मुँ।

भजनमैं 4:3 ပူးပေါင်းရင်းမြစ်များ

भजनमैं 31:23

ओ खीए ताँन् म्हिमैं, याहवेहलाइ म्हाँया लद्! खीए फिर बिश्‍वास लब्मैंलाइ याहवेहजी रक्षा लम्, दिलेया थेब् प्हैंब्मैंलाइ बिस्याँ खीजी पिंल् त्हुबै दण्ड पिंम्।

भजनमैं 34:15

याहवेहजी ठिक के लब्मैंए फिर मि छरिमुँ धै चमैंए ताँ थेम्।

भजनमैं 49:3

ङए सुँइ बुद्धिए ताँ पोंब्मुँ; ङए सैंर मैंबै ताँमैंइ क्होबै शक्ति पिंम्।

भजनमैं 50:5

“ख्रो पिंसि ङने बाछा फैब नेरो ङलाइ क्वेंबै म्हिमैं ङ ङाँर पखो।”

भजनमैं 56:9

ल्होमिंन् बिसि ङइ क्हिने ग्वार ह्रिमा ङए शत्तुरमैं लिग्याँ तोसि न्हेयाब्मुँ। परमेश्‍वरजी खैलसे ङए ख लम् बिब ङइ सेइमुँ।

भजनमैं 6:8

ओ आछ्याँबै के लबै म्हिमैं, ङ ङाँइँले ह्‍याद्, तलेबिस्याँ ङ क्रोब याहवेहजी थेइमुँ।

भजनमैं 62:10

धुदिबै केर भर आतद् धै ह्‍योबै सैर थेब् आप्हैंन्; क्हिए सै न्होर ल्हें तलेया चए फिर भर आथेंन्।

प्रस्थान 33:16

क्हि ङिने बालु आह्‍यास्याँ क्हिए म्हिमैं नेरो ङइ क्हिए म्हाँया योंइमुँ बिसि अरू ह्रेंमैंइ खैले सेब? ङ नेरो क्हिए म्हिमैं पृथ्‍बीर्बै ताँन् म्हिमैंने स्योन् उँइँबर क्हि ङिने बालुन् तल् त्हुम्।”

यूहन्‍ना 15:16

क्‍हेमैंइ ङलाइ त्‍हाँब आङिं, ङइ क्हेमैं त्हाँब् ग। क्हेमैं ह्‍यासि रामैं रोरिगे धै क्हेमैंए रामैं खोंयोंन् बिलै तरिगे बिसि ङइ क्हेमैं हुइ। छलमा क्हेमैंइ ङए मिंर आबाने तो सै ह्रिलेया खीजी क्हेमैंलाइ पिंब्मुँ।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

२ तिमोथी 2:19

दिलेया परमेश्‍वरजी बिबै ताँ बिस्याँ थेबै जग धोंले भोंब मुँ। च जगए फिर पबित्र प्ल्हजी छाप ल्हैदिइमुँ, “प्रभुजी खीए म्हिमैं ङो सेमुँ” धै “प्रभए मिं किंब्मैं ताँन् आछ्याँबै केउँइँले ह्रेंगो तल् त्हुम्।”

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।

२ पत्रुस 2:9

छले खीजी बिबै ताँ ङिंब्मैंलाइ प्रभुजी दुःखउँइँले जोगेमिंल् खाँम्, धै दुष्‍टमैंलाइ दण्ड पिंबै ल्हागिर निसाफ लबै त्हिंइ समा खीजी फैथेंल् खाँम्।