भजनमैं 39:1 - परमेश्‍वरए ताँ तमु क्युइर

¹ “ङइ तो के ललेया च्हैंसि मैंसि छेनाले लब्मुँ, धै ङए सुँज्यै या आछ्याँबै ताँमैं पोंरिब् आरे। दुष्‍ट म्हिमैंए उँइँर ङ तोइ ताँ पोंरिब् आरे,” बिसि ङइ बिल।

भजनमैं 39:1 ပူးပေါင်းရင်းမြစ်များ

भजनमैं 119:9

फ्रेंसि म्हिइ आछ्याँबै केमैंउँइँले ह्रोंसलाइ खैले जोगेसि थेंल् खाँम्? क्हिए ताँइ बिब् धोंले प्रसिन् ग।

भजनमैं 12:4

“ङिइ पोंसि पोंइ चमैंलाइ ट्होब्मुँ,” बिसि चमैंइ बिमुँ। “ङिए सुँ ङिलन् ग! ङिए फिर खाब् क्ल्हे तल् खाँमुँ?”

भजनमैं 141:3

ओ याहवेह, ङए सुँइ आछ्याँबै ताँ पोंल् आपिंन्, ङए म्हदिइ आछ्याँबै ताँ पोंल् आपिंन्।

भजनमैं 34:13

ह्रोंसए लेइ आछ्याँबै ताँ आपोंन्, धै ह्रोंसए म्हदेइ स्योर आतेद्,

भजनमैं 62:1

क्ह्रोंसेंन ङए सोइ परमेश्‍वरर मत्‍त्रे भों न्हल् योंम्; खीजी ङ जोगेमिंम्।

भजनमैं 77:1

थेबै कैले ङइ परमेश्‍वरने ग्वार ह्रिम्, खीजी थेरिगे बिसि ङइ थेबै कैले ओरम्।

हितोपदेश 18:21

सैब नेरो सोल् लबै शक्‍ति लेर मुँ, खैलि पोंइमु, चमैंइ चए रो चब्मुँ।

हितोपदेश 21:23

सुँइ खैच्हिजिले आपोंइ बिस्याँ ह्रोंसए फिर दुःख तबइले जोगेम्।

कलस्सी 4:5

येशू ख्रीष्‍टए फिर बिश्‍वास आलब्मैंने न्ह क्रों मि क्रोंले प्रद्। धै क्‍हेमैंइ मौका योंमा प्रभुए सैं तोंन् लबै केमैं लद्।

हिब्रू 2:1

छतसि ङ्योइ तो ताँ थेइमुँ च ताँ झन् छेनाले थेल् त्हुम्। छेनाले आथेइ बिस्याँ ङ्योइ घ्‍याँ फ्लेयाम्।

याकूब 1:26

खाबज्यै या “ङइ ठिक के लइमुँ” बिमुँ, दिलेया ह्रोंसए सुँइ तो योंमुँ चन् पोंम् बिस्याँ चइ ह्रोंसलाइन लुम्। छाबै म्हिइ ठिक के ललैया चइ लबै के फाकर्न तम्।